«Больш, чым войска Чэхіі або Венгрыі». УСУ распавялі, колькі расіян ваюе пад Бахмутам
Прэс-сакратар Усходняй групоўкі УС Украіны Сяргей Чараваты паведаміў, што на Бахмуцкім напрамку супраць Узброеных сіл Украіны ваюе 25,6 тысячы расійскіх вайскоўцаў.
![](http://d3kcf2pe5t7rrb.cloudfront.net/img/w840d4webp1/photos/z_2023_04/ap23029343259024-kdxlg-775j5.jpg.webp)
«На Бахмуцкім напрамку супраць нас ваюе 25,6 тыс. чалавек асабовага складу, 65 танкаў, 450 БТР, 154 гарматы, 56 рэактыўных сістэм залпавага агню. Гэта больш, чым войска Чэхіі або Венгрыі», — адзначыў Чараваты ў каментарыі «РБК-Украіна».
Ён таксама сцвярджае, што РФ штодня губляе каля 100 вайскоўцаў у раёне Бахмута.
Раней прэс-сакратар Усходняй групоўкі войскаў Узброеных сіл Украіны Сяргей Чараваты заявіў, што расіяне пакуль далёкія ад захопу «дарогі жыцця» ў Бахмуце, па якой пастаўляюцца харчаванне, медыкаменты, зброя і іншыя неабходныя рэчы для вайскоўцаў і грамадзянскіх асоб.
Каментары