Рыс, мяса і гародніна — вось тры асноўныя складнікі гэтай традыцыйнай блізкаўсходняй стравы, папулярнай у Сірыі, Палесціне, Іарданіі, Ліване. У канцы працэсу гатавання посуд з ёй пераварочваецца зверху ўніз — адсюль і назва («маклюбэ» літаральна перакладаецца як «дагары нагамі»).
Галоўная адметнасць маклубы ў тым, што рысавая аснова ў ёй становіцца падобнай да цеста, і ўтвараецца смачная скарынка.
Улетку маклубу найчасцей гатуюць з баклажанамі, зімой — з той гароднін, якая ёсць па сезоне. У якасці мяса на Усходзе звычайна дадаюць курыцу ці бараніну — але гэта проста таму, што ў мусульманскіх краінах не ядуць свініны. Варыяцый гэтай стравы, напэўна, столькі ж, колькі сем'яў на Блізкім Усходзе. Адзін з папулярных лёгкіх варыянтаў — маркоўная маклуба — менавіта яго вам і прапануем.
Хоць лічыцца, што гэтая страва патрабуе шмат часу (трэба абсмажыць усю гародніну і выкласці пластамі), калі вы маеце гатовы булён, прапанаваны варыянт вы зможаце прыгатаваць даволі хутка — менш чым за гадзіну.
На 4-6 порцый спатрэбіцца:
- 2¼ шклянкі язмінавага ці іншага доўгазярністага рысу
- 2 чайныя лыжкі солі (можна больш ці менш — на ваш густ)
- 1 чайная лыжка чорнага перцу
- 1 чайная лыжка молатай карыцы
- ½ чайнай лыжкі молатай куркумы
- ½ чайнай лыжкі молатага кмену
- 4 сталовыя лыжкі аліўкавага алею або топленага масла (ці іх камбінацыі)
- 450 г мяса без костак з рабрыны, нарэзанага кубікамі
- 1 жоўтая цыбуліна, разрэзаная напалову і нарэзаная палоскамі шырынёй сантыметр
- прыкладна 4 сярэднія морквы, вычышчаныя і нарэзаныя на палоскі памерам 5 на 1 сантыметр
- 4 кубкі якаснага курынага булёну
- ад ¼ да ½ кубкі падсмажанага ці смажанага нарэзанага міндалю
Як гатаваць:
- Прамыйце рыс, пакуль вада не стане празрыстай. Пакладзіце рыс у міску з вадой так, каб яна яго пакрывала, і пакіньце на 15 хвілін, затым зліце ваду. Да асушанага рысу дадайце па 1 чайнай лыжцы солі і перцу, а таксама ўсе спецыі. Змяшайце, каб аб'яднаць, затым адстаўце ўбок.
- У сярэднім (20-25 см) рондалі з антыпрыгарным пакрыццём (пажадана не глыбейшым за 15 см) нагрэйце аліўкавы алей на сярэднім агні, пакуль ён не пачне скварчэць — але не дыміцца. Дадайце кубікі мяса, цыбулю і 1 чайную лыжку солі і гатуйце, час ад часу пераварочваючы, пакуль не выпарыцца мясны сок і мяса не абсмажыцца з усіх бакоў, прыкладна 8-10 хвілін.
- Дадайце моркву і гатуйце, рэгулярна памешваючы, пакуль морква не стане глянцавай і не пачне размякчацца, ад 3 да 5 хвілін.
- Здыміце з агню і пераканайцеся, што сумесь мяса і морквы раўнамерна размеркавана па дне рондаля. Зверху пасыпце рысавай сумессю (не змешваць).
- Павольна ўліце булён у рондаль (ён павінен падняцца прыкладна на сантыметр з нечым над рысам). Пастаўце на рыс перагорную (трывалую) талерку, каб рыс і гародніна не змешваліся, калі булён закіпіць. У ідэале талерка павінна быць крыху меншая за шырыню рондаля. Накрыйце рондаль вечкам і давядзіце да слабага кіпення на сярэднім агні. У гэты момант пакаштуйце булён і пасаліце яго на свой густ.
- Гатуйце на працягу 10 хвілін, затым паменшыце агонь да мінімуму, здыміце талерку, але вярніце вечка і варыце, пакуль рыс цалкам не прыгатуецца, ад 5 да 10 хвілін. Здыміце з агню, падкладзіце пад вечка кухонны ручнік або кухонныя папяровыя ручнікі і зноў ежу накрыйце вечкам. Адстаўце ўбок на 10-15 хвілін.
- Перад падачай зніміце вечка і пастаўце вялікую перагорную сервіравальную талерку на рондаль з рысам. Абедзвюма рукамі перавярніце рондаль і павольна падыміце, каб вызваліць прыгожую страву ў форме торта. Упрыгожце смажаным міндалем, зелянінай ці што там яшчэ вы любіце і падавайце.
Вам могуць спадабацца:
Плоў па-уйгурску: сямейны рэцэпт Розы Турарбекавай
Падлік галасоў у ЗША. Трамп лідзіруе, перамагаючы ва ўсіх хісткіх штатах
Каментары