Грамадства77

Гандляр дзяўчаткамі ў пракуратуры: сталі вядомыя падрабязнасці адной з самых мярзотных спраў

Альянс расследавальнікаў Беларусі апублікаваў дакументы, атрыманыя дзякуючы «Кіберпартызанам», якія датычаць крымінальнай справы пракурорскага работніка.

Начальнік аддзела Віцебскай абласной пракуратуры Аляксандр Ільін, 1970 года нараджэння, быў асуджаны вайсковым судом яшчэ ў 2013 годзе. Следства па справе працягвалася з 2007 года. Аднак яго дэталі сталі вядомыя толькі дзякуючы кіберпартызанам. Раней яны не публікаваліся.

Падрабязнасці справы расказаў «Белсат». 

У прысудзе адзначаецца, што ў 2002 годзе Ільін для ажыццяўлення злачыннай дзейнасці ў Віцебску ўцягнуў заведама непаўналетнюю А. Б. і Гулідава А. А. ў арганізаваную групу для ўчынення злачынстваў. Канкрэтна — для заняцця прастытуцыяй. У далейшым да гэтага занятку былі прыцягнуты і іншыя непаўналетнія дзяўчаткі.

Аляксандр Ільін. Фота прадастаўлена Альянсам расследавальнікаў Беларусі

Кіраўніком групы быў Ільін. Ён размяркоўваў ролі паміж удзельнікамі, падтрымліваў дысцыпліну, вырашаў арганізацыйныя і іншыя пытанні, размяркоўваў прыбытак.

Непаўналетняй А. Б. была адведзена роля збору інфармацыі аб патэнцыйных малалетніх ахвярах. Пасля яна сумесна з Ільіным рознымі спосабамі (шантажом, подкупам, пагрозамі, алкаголем, запалохваннямі і гвалтам) схіляла іх да здзяйснення палавых зносін і іншых дзеянняў сэксуальнага характару.

А. Б. выступала ў ролі сутэнёра, вяла перамовы з кліентамі, суправаджала ахвяр да кліентаў, забірала грашовую ўзнагароду і перадавала Ільіну.

Гулідаў займаўся дастаўкай непаўналетніх дзяўчатак па розных адрасах як у Беларусі, так і ў Маскве.

Злачынная дзейнасць працягвалася з лета 2002-га па снежань 2005-га.

Матэрыялы прысуду раскрываюць жахлівыя падрабязнасці абыходжання Ільіна са сваімі ахвярамі.

Так, узімку 2003 года непаўналетняя дзяўчынка была пакарана за тое, што расказала іншаму чалавеку аб злачынных занятках Ільіна. Ахвяру адвезлі ў лес, дзе загадалі капаць сабе магілу. Калі яна адмовілася, то яе прымусілі раздзецца, прывязалі да дрэва і збілі. Ільін у гэты час фатаграфаваў працэс.

Пасля дзяўчынку адвезлі ў кватэру ў кайданках і прыкавалі імі да трубы ў санвузле. Пасля ахвяру адвялі ў пакой і здзекаваліся з яе. Падобныя здзекі з прышпільваннем кайданкамі практыкаваліся і адносна іншых дзяўчатак.

Іншым разам Ільін у стане алкагольнага ап'янення сілком утрымліваў у кватэры некалькі дзяўчынак быццам бы за іх дрэнныя паводзіны ў клубе. Ён на працягу некалькіх гадзін збіваў сваіх ахвяр, потым звязаў ім рукі і здзейсніў дзеянні сэксуальнага характару.

Ахвяры пазней далі паказанні, што элементы садызму былі звычайнай зʼявай падчас сэксуальных уцех Ільіна.

Следчыя знайшлі на ноўтбуку Ільіна фотаздымкі дзяўчынак, у тым ліку ў аголеным выглядзе. Як паказалі матэрыялы следства, фотаздымкі ахвяр сэксуальнага характару Ільін выкарыстоўваў у якасці шантажу для схілення дзяўчатак да ўступлення ў палавыя зносіны з трэцімі асобамі, якіх ён сам прыводзіў.

Як сцвярджаецца ў прыгаворы, Ільін вывозіў дзяўчатак «у розныя саўны, лазні і базы адпачынку, арганізоўваў сустрэчы ў іншых месцах, дзе яны па патрабаванні апошняга аказвалі сэксуальныя паслугі яму і яго знаёмым, сярод якіх былі супрацоўнікі праваахоўных органаў».

Усяго за тры гады ён здолеў прыцягнуць да заняткаў прастытуцыяй больш за дзесяць дзяўчатак. Сярод іх была нават 12-цігадовая.

Удзельнікам арганізаванай злачыннай групы было выстаўлена абвінавачанне адразу па наступных васьмі артыкулах Крымінальнага кодэкса:

арт. 182 (выкраданне чалавека, здзейсненае ў дачыненні да заведама непаўналетняга, арганізаванай групай, якое суправаджалася пакутамі і катаваннем);

арт. 166 (згвалтаванне заведама непаўналетняга);

арт. 154 (катаванні заведама непаўналетніх);

арт. 167 (здзяйсненне дзеянняў сэксуальнага характару насуперак волі пацярпелай, пасля здзяйснення згвалтавання, групай асоб, з ужываннем гвалту, паўторна, у дачыненні да загадзя малалетняй);

арт. 168 (палавыя зносіны і дзеянні сэксуальнага характару з асобамі, якія не дасягнулі шаснаццацігадовага ўзросту);

арт. 171 (выкарыстанне занятку прастытуцыяй загадзя непаўналетняй, спалучанага з вывазам за межы дзяржавы для занятку прастытуцыяй, учыненым арганізаванай групай);

арт. 172 (уцягванне заведама непаўналетняй ва ўчыненне злачынства шляхам абяцанняў, падману, угавораў, з выкарыстаннем насілля і з пагрозай яго выкарыстання, звязаным з уцягваннем непаўналетняга ў арганізаваную групу, ва ўчыненне цяжкага і асабліва цяжкага злачынстваў);

ст. 173 (уцягванне непаўналетняга ў антыграмадскія паводзіны).

Калі злачынная дзейнасць групы Ільіна была раскрыта, ён здолеў збегчы. Затрыманы ён быў толькі ў снежні 2009 года ў Расіі, у Краснадары.

Па сукупнасці ўсіх злачынстваў Ільін быў асуджаны на 17 гадоў пазбаўлення волі ў папраўчай калоніі ва ўмовах узмоцненага рэжыму з канфіскацыяй усёй маёмасці, без пазбаўлення права займаць пэўныя пасады і займацца пэўнай дзейнасцю.

Аляксандр Ільін адбываў тэрмін у шклоўскай папраўчай калоніі № 17. Там ён у кастрычніку 2022 года ўчыніў самагубства, не дабыўшы да вызвалення тры гады. Мяркуецца, што ў калоніі ён быў змушаны весці існаванне вязня нізкага статусу.

Чытайце яшчэ:

18 дзяўчатак і 5 хлопчыкаў сталі ахвярамі педафіла ў Мазыры

Педафілы шукаюць ахвяр на папулярнай стрымінгавай платформе. Яна дазваляе ім назіраць за дзецьмі ў жывым эфіры

«Сэксуальная арыентацыя часта без адхіленняў». У Беларусі склалі партрэт тыповага педафіла

Каментары7

  • даведка
    13.04.2023
    Этому способствовало то, что прокуроры уже тогда имели иммунитет, уголовное дело мог возбудить генпрокурор.
  • даведка
    13.04.2023
    Прокурор-садист начал насиловать и торговать детьми, когда генеральным прокурором был Виктор Шейман.
  • Жыве!
    13.04.2023
    Яшчэ быў маньяк сябар Ігара Шуневича па акадэміі і былы супрацоўнік Адміністраціі дыктатара якога пазней осудзілі за сэкс с непаўналетнімі - Вячаслау Давыдовіч.

Выйшаў на волю старшыня АГП Мікалай Казлоў1

Грамадстваабноўлена1

Выйшаў на волю старшыня АГП Мікалай Казлоў

Усе навіны →
Усе навіны

Борыс Джонсан: Трамп можа выратаваць Украіну8

Мінскі заапарк заклікаў беларусаў падзяліцца з жывёламі лішкамі ўраджаю

Беларусь ці Польшча: хто важнейшы гандлёвы партнёр для Кітая?8

«Мая даўняя мара — жыць у Іспаніі — аказалася расчараваннем». Салігарчанка тры гады пажыла ў Алікантэ і вярнулася ў Беларусь54

Пудынг, піца і рол — небанальныя стравы з бульбы

У Дудутках праходзіць міжнародны фестываль «Наш Грунвальд» ШМАТ ФОТА11

Каштэлі, ранэты, пепінкі: усё пра старыя беларускія сады і сарты. І дзе іх купіць4

Некаторым журналістам з Беларусі забаранілі асвятляць Алімпіяду3

Якога надвор'я чакаць беларусам на наступным тыдні

больш чытаных навін
больш лайканых навін

Выйшаў на волю старшыня АГП Мікалай Казлоў1

Грамадстваабноўлена1

Выйшаў на волю старшыня АГП Мікалай Казлоў

Галоўнае
Усе навіны →