Зменшылася колькасць украінцаў, якія гатовыя трываць вайну столькі, колькі спатрэбіцца
Але гэта колькасць па-ранейшаму вялікая. Вынікі свежага апытання.
Колькасць украінцаў, якія гатовыя трываць вайну столькі, колькі спатрэбіцца, меншае. Калі ў пачатку 2024 года іх было 73%, то ў канцы — 57%.
Такія вынікі паказала апытанне Кіеўскага міжнароднага інстытута сацыялогіі, праведзенае ў снежні 2024 года.
«Ад пачатку ўварвання да лютага 2024 года сітуацыя практычна не мяняліся: стабільна блізу 71-73% адказвалі, што яны гатовыя трываць вайну столькі, колькі спатрэбіцца (і яшчэ 2-3% казалі пра 1 год). У гэты ж перыяд пра больш кароткі ўласны запас трываласці (некалькі месяцаў — паўгода) казалі 18-21%. У той жа час паміж лютым і кастрычнікам 2024 года мы ўпершыню зафіксавалі зніжэнне долі тых, хто гатовы трываць столькі, колькі спатрэбіцца — да 63%.
Паміж пачаткам кастрычніка і снежнем 2024 года мы таксама назіраем нязначнае, але зніжэнне долі тых, хто гатовы трываць столькі, колькі спатрэбіцца —— да 57%», — адзначаюць украінскія сацыёлагі.
Разам з тым вырасла доля тых, каму цяжка адказаць на пытанне, — да 18%.
Калі паміж лютым 2024 года і пачаткам кастрычніка 2024 года зніжэнне запасу трываласці прасочвалася перш за ўсё на поўдні і асабліва усходзе, то ў снежні 2024 года гэта тэндэнцыя назіралася і ў іншых рэгіёнах.
Сацыёлагі таксама адзначылі, што чым большы дастатак у апытаных, тым больш яны гатовы трываць вайну.
«З іншага боку, варта падкрэсліць, што нават сярод рэспандэнтаў з нізкім дастаткам (якія, адпаведна, досыць уразлівыя) 51% адказалі, што гатовыя трываць столькі, колькі спатрэбіцца», — пішуць сацыёлагі.
Сярод рэспандэнтаў з сярэднім дастаткам такіх 58%, сярод рэспандэнтаў з высокім дастаткам — 70%.
«Гэтыя даныя паказваюць, што гатоўнасць трываць вайну толькі часткова звязана з матэрыяльнымі ўмовамі жыцця і насамрэч іншыя фактары ў большай ступені ўплываюць на запас трываласці», — падсумавалі ў КМИС.
Даследаванне праходзіла з 2 па 17 снежня 2024 года. У выбарку не ўключалі жыхароў тэрыторый, якія часова не кантралююцца ўладамі Украіны, і тых, хто выехаў за мяжу пасля 24 лютага 2022 года.
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі19
Каментары
Задайте другой вопрос: "Согласны ли украинцы с тем, что Украина заканчивает войну, а следственно вступает в псевдоСоюзное государство с дальнейшим репрессиями несогласных".
Понимая, что любой момент могут погибнуть украинцы уже живут, практически три года, в отличие от рашистов и нас диванных, хатаакрайников.
Задайте украинцам вопрос. Готовы ли они сдаться с дальнейшим приходом к власти очередного Януковичв.