Падчас абвешчанага Пуціным з нагоды праваслаўнага Раства «рэжыму спынення агню» расійскі прэзідэнт у адзіноце — акрамя яго былі толькі святары — наведаў набажэнства ў Благавешчанскім саборы Крамля.
![](http://d3kcf2pe5t7rrb.cloudfront.net/img/w732d4webp1/photos/z_2023_01/12-d6g2c.jpg.webp)
Пуціна сустракаў благачынны храмаў Клінскай акругі Сергіева-Пасадскай епархіі іераманах Іосіф.
![](http://d3kcf2pe5t7rrb.cloudfront.net/img/w732d4webp1/photos/z_2023_01/10-jykbu.jpg.webp)
Гэта трэцяе Раство, якое Пуцін сустрэў у Маскве з 2000 года, адзначае Інтэрфакс, прычым папярэднія два разы былі ў 2000 годзе (у храме Тройцы жыватворчай на Вараб'ёвых гарах), і ў 2001-м — у храме Хрыста Збавіцеля.
У чацвер Пуцін даручыў міністру абароны Расіі Сяргею Шайгу ўвесці на 36 гадзін рэжым спынення агню па ўсёй лініі баявога судакранання з нагоды Раства і заклікаў Украіну далучыцца. Ва Украіне лічаць гэта крывадушнасцю. Прэзідэнт Уладзімір Зяленскі назваў крок спробай выкарыстоўваць рэлігійнае свята ў якасці прыкрыцця. У Кіеве адзначаюць, што абстрэлы з расійскага боку пасля пачатку «рэжыму спынення агню» не спыняліся.
Каментары
тот тоже один по церквям да кельям слонялся
Одиночество - путь воина)
Если бы Бога слышал, то не было бы убийств украинских детей, женщин, стариков, не было бы изнасиловании украинских детей и женщин по его приказу, не было бы его подлой лжи.