Затрымалі ўласніка дрона, лукашысты абвінавацілі яго ў здыманні вайсковай часці
Сілавікі ў сваіх каналах паведамілі пра затрыманне мужчыны, які, як яны сцвярджаюць, нібыта запусціў квадракоптар каля вайсковага аб'екта 14 кастрычніка.
![](http://d3kcf2pe5t7rrb.cloudfront.net/img/w732d4webp1/photos/z_2022_10/ris_1_opt-1-600x3631-g4bk8.png.webp)
Аўтары канала сцвярджаюць, што затрыманы нібыта збіраўся перадаць відэа «экстрэмістам», атрымаўшы несапраўднае паведамленне аб старце плана «Перамога». Таксама гаворыцца, нібыта ён удзельнічаў у масавых мерапрыемствах у 2020 годзе. У выніку супраць хлопца распачатая крымінальная справа за «садзейнічанне экстрэмісцкай дзейнасці і дадаткова за ўдзел у перакрыцці дарог».
Аднак трэба ўлічваць, што ў такіх выпадках сілавікі дзеля запалохвання насельніцтва часта распаўсюджваюць прыдуманую імі самімі інфармацыю пра прычыны затрымання, якая не мае дачынення да рэчаіснасці, і прымушаюць людзей на відэа гаварыць тое, што патрэбна ім.
Каментары