У Запарожжы пад абстрэл трапіла гуманітарная калона. Па даных украінскіх уладаў, загінулі 23 чалавекі
Раніцай 30 верасня расійскія вайскоўцы нанеслі ракетны ўдар па гуманітарнай калоне на выездзе з горада Запарожжа, заявіў кіраўнік Запарожскай абласной адміністрацыі Аляксандр Старух.
Паводле яго, людзі стаялі ў чарзе для выезду на акупаваную тэрыторыю, каб забраць сваіх родных і прывезці дапамогу.
Вядома пра 23 загінулых і 28 параненых.
Прарасійскі кіраўнік акупаванай часткі Запарожскай вобласці Уладзімір Рогаў у сваім канале напісаў, што ўдары наносіліся па вайсковых аб’ектах.
Каментары