Халук Байрактар падарыў Зяленскаму вышыванку з беспілотнікам «Байрактарам»
9 верасня Уладзімір Зяленскі правёў сустрэчу з генеральным дырэктарам турэцкай кампаніі Baykar Халукам Байрактарам.
У прыватнасці, Зяленскі і Байрактар абмеркавалі дэталі будаўніцтва завода беспілотнікаў Baykar ва Украіне і вытворчасць новай прадукцыі з выкарыстаннем украінскіх дэталяў.
«Кожны ва Украіне ведае, што такое «Байрактары», ведае вашу кампанію. Дзякую вам, дзякую прэзідэнту Эрдагану за вашу падтрымку і падтрымку грамадзян Турцыі ў гэтай вайне з расійскай агрэсіяй», — сказаў прэзідэнт Украіны.
Зяленскі ўручыў Халуку Байрактару ордэн «За заслугі» I ступені за ўклад у павелічэнне магутнасці ўкраінскіх узброеных сіл у барацьбе з агрэсарам.
Халук Байрактар падарыў прэзідэнту арыгінальную вышыванку з выявай беспілотніка Bayraktar.
У ліпені аналагічную вышыванку дарыў Халуку Байрактару пасол Украіны ў Турцыі Васіль Бондар.
Магчыма, вышыванка вярнулася.
Каментары
туркі такія туркі...
але ў такім "падарунку" ёсць нешта сімвалічнае... пабудуе Зеленскі завод з кланам Байрактараў і будуць далей несці дэмакратыю на крылах беспілотнікаў - у іншыя краіны. мажліва і ў нашу, як мараць некаторыя забугорныя канапавыя энэнаўскія змагары