Сярод пілотаў, якія загінулі пры падзенні самалёта 13 жніўня, быў Сяргей Доўгаль, дырэктар лётнай школы VRP Avia. Ён быў у авіяцыі з 1984 года і налётаў звыш 3200 гадзін. Пра гэта на сваёй старонцы ў Фэйсбуку напісала спявачка Анастасія Ціхановіч.
![](http://d3kcf2pe5t7rrb.cloudfront.net/img/w732d4webp1/photos/z_2022_08/298441730_10225266194614350_6540126199180779582_n-5nw3y.jpg.webp)
Сяргей Доўгаль (у цэнтры) з Аляксандрам Ціхановічам і Ядвігай Паплаўскай
Сяргей Доўгаль заснаваў дабрачынны фонд дапамогі дзецям і дарослым інвалідам, якія пражываюць у псіханеўралагічных інтэрнатах, і людзям з абмежаванымі магчымасцямі імя народнага артыста Беларусі Аляксандра Ціхановіча «Спірас».
У суботу падчас святкавання 770-годдзя Слоніма разбіўся лёгкаматорны самалёт, які рабіў прагулачныя палёты. Загінулі два пілоты.
Другім загінулым пілотам, паводле звестак выдання «Зеркало», быў Уладзімір Філон, які адказваў за бяспеку палётаў і навігацыю.
Каментары