Культура

У Лодзі ў суботу пройдзе імпрэза, прысвечаная літаратуры палітвязняў

У польскім горадзе Лодзь у межах Дзён беларускай культуры 23 ліпеня будуць асэнсоўваць літаратуру беларускіх палітвязняў. Арганізуюць імпрэзу «Палітзняволеная літаратура» Фонд «Беларусы ў Лодзі» і Беларуская Рада культуры.

    Удзельнікам і гледачам плануюць прадставіць форум-спектакль «Цэнзар», музычны канцэрт, у якім прымуць удзел Юрый Стыльскі, лідар гурта «Дай дарогу!», гурт «Разбітае Сэрца Пацана», дыскусіі з удзелам экспертаў з праваабаронцамі, літаратарамі і журналістамі. Таксама можна будзе прыняць удзел у напісанні лістоў палітвязням.

    Арганізатары таксама абяцаюць прэзентацыю тэкстаў, якія паўсталі праз турэмны досвед іх аўтараў.

    «Турэмнае мастацтва, як канцэнтрат беларускай палітычнай і філасофскай думкі, пераасэнсоўвае той час і той стан, у якім мы ўсе зараз знаходзімся. Новая культура і новыя каштоўнасці нашага грамадства выспяваюць і фармулююцца людзьмі, што знаходзяцца за кратамі. Слухаючы іх галасы, мы можам акрэсліць для саміх сябе тут і цяпер, дзеля чаго мы ўсё гэта робім, дзеля чаго мы як супольнасць ідзём на барацьбу і страты, чалавечыя, лёсавыя, культурныя», — паведамляюць пра падзею арганізатары.

    За мерапрыемствамі праекта «Палітзняволеная літаратура» можна будзе назіраць па ўсім свеце з дапамогай анлайн-трансляцыі.

    Імпрэза «Палітзняволеная літаратура» пройдзе 23 ліпеня з 16.00 да 22.00 у Доме літаратуры па адрасе: Лодзь, Roosevelta, 17.

    Каментары

    Раней тэрміну выйшаў на волю старшыня АГП Мікалай Казлоў

    Раней тэрміну выйшаў на волю старшыня АГП Мікалай Казлоў

    Усе навіны →
    Усе навіны

    Беларусь ці Польшча: хто важнейшы гандлёвы партнёр для Кітая?8

    «Мая даўняя мара — жыць у Іспаніі — аказалася расчараваннем». Салігарчанка тры гады пажыла ў Алікантэ і вярнулася ў Беларусь54

    Пудынг, піца і рол — небанальныя стравы з бульбы

    Каштэлі, ранэты, пепінкі: усё пра старыя беларускія сады і сарты. І дзе іх купіць4

    Некаторым журналістам з Беларусі забаранілі асвятляць Алімпіяду3

    Якога надвор'я чакаць беларусам на наступным тыдні

    На БТ запусцілі шоу «Добры вечар!» Госця першага выпуску — зорка расійскага шансона Віка Цыганова20

    Стрыжак расказаў, як яго вербавалі спецслужбы25

    Ізраіль нанёс удары па Емене «пасля дзевяці месяцаў бесперапынных нападаў»8

    больш чытаных навін
    больш лайканых навін

    Раней тэрміну выйшаў на волю старшыня АГП Мікалай Казлоў

    Раней тэрміну выйшаў на волю старшыня АГП Мікалай Казлоў

    Галоўнае
    Усе навіны →