У Баранавічах адкрылі мемарыял у гонар загінулых год таму лётчыкаў ФОТА
![](http://d3kcf2pe5t7rrb.cloudfront.net/img/w732d4webp1/photos/z_2022_05/liotczyki220520-khy2x.jpg.webp)
У Баранавічах адкрылі мемарыял у гонар загінулых лётчыкаў-герояў Беларусі маёра Андрэя Нічыпорчыка і лейтэнанта Мікіты Куканенкі. Адкрыццё мемарыяла прымеркавалі да гадавіны трагедыі. Удзел у адкрыцці ўзяў міністр абароны Віктар Хрэнін.
«Адкручваючы назад падзеі таго дня, аналізуючы дзеянні Андрэя і Мікіты, я не раз задаваўся пытаннем, а ці маглі яны паступіць інакш? Не. Не маглі. Яны занадта моцна шанавалі гонар афіцэра і жыццё людзей, якіх яны абаранялі. Іх выбар — гэта выбар герояў і сапраўдных мужчын», — сказаў Віктар Хрэнін.
![](http://d3kcf2pe5t7rrb.cloudfront.net/img/w732d4webp1/photos/z_2022_05/liotczyki2_220520-3aheo.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2022_05/liotczyki3_220520-r6vyc.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2022_05/liotczyki4_220520-vha0q.jpg.webp)
19 мая 2021 года падчас выканання вучэбна-трэніровачнага палёту разбіўся самалёт Як-130 Лідскай штурмавой авіябазы. Лётчыкі, камандзір звяна вучэбна-баявой эскадрыллі 116-й штурмавой авіяцыйнай базы маёр Андрэй Нічыпорчык і лейтэнант Мікіта Куканенка, загінулі.
Паводле паведамленняў Мінабароны, яны выявілі тэхнічную няспраўнасць, і адводзілі самалёт ад населенага пункта.
Каментары