Зяленскі: Ва Украіне пачынаецца праграма аднаўлення жылля. Што яна прадугледжвае
Улады Украіны пачынаюць маштабную праграму аднаўлення, якая прадугледжвае забеспячэнне жыллём усіх, хто мае ў ім патрэбу. Яна будзе праходзіць у некалькі этапаў і працягнецца і пасля завяршэння вайны супраць Расіі.
Пра гэта ў вечаровым звароце 16 красавіка паведаміў прэзідэнт Украіны Уладзімір Зяленскі.
«Цяпер гістарычны момант. Момант, калі мы можам раз і назаўжды вырашыць мноства застарэлых праблем усяго асяроддзя нашага жыцця. Калі можам зрабіць якаснае гарадское планаванне там, дзе яго не было. Можам улічыць рэальныя транспартныя патокі. Гарантаваць энергазберажэнне, экалагічнасць матэрыялаў, інклюзіўнасць», — сказаў ён.
З улікам вайны праграма забеспячэння жыллём, якая пачалася яшчэ з 2021 года, будзе сумешчаная з праграмай энергамадэрнізацыі жылля і працягнецца ў некалькі этапаў. На першым этапе часовым жыллём павінны забяспечыць усіх перасяленцаў, чые будынкі былі разбураныя.
«На другім этапе адновім тое, што акупанты спрабавалі знішчыць. Усе гарады, якія пацярпелі. А на трэцім этапе забяспечым жыллём усіх тых, хто абараняў або абараняе цяпер дзяржаву, хто працаваў або працуе ў інтарэсах грамадства, а ўласнага жылля не мае», — дадаў Зяленскі.
Па словах Зяленскага, для рэалізацыі праекта Украіна ўжо прыцягвае вядучых архітэктараў, дзяржавы-партнёры і міжнародных донараў.
Акрамя таго, для фіксацыі падзей вайны Расіі супраць Украіны ўлада распрацоўвае шэраг ініцыятыў, у прыватнасці «праект мемарыяльнага комплексу, які раскажа гісторыю разбуранага моста ў Кіеўскай вобласці, які злучаў Ірпінь і Бучу з Кіевам».
Чыноўнікі прагаварыліся, што ў Беларусі засталося толькі 8,8 мільёна чалавек? Гэта няправільная выснова14
Каментары