Грамадства

«Гэта было маё першае знаёмства з СБУ». Беларус расказаў, як дапамагаў у затрыманні агента ў Кіеве

У Кіеве затрымалі мясцовага жыхара, які спрабаваў падпаліць машыну пад пад’ездам адной з грамадскіх арганізацый. СБУ заявіла, што гэта беларускі агент, які і раней ладзіў правакацыі. «Нашай Ніве» сталі вядомыя падрабязнасці гэтай спецаперацыі. 

Скрыншот відэа затрымання

Затрыманне адбылося позна ўвечары ў аўторак. Да Глеба, які жыве акурат у доме, каля якога ледзь не падпалілі машыну, пасля прыйшоў чалавек з СБУ.

«Ён распытваў, ці пражывае па гэтым адрасе такі чалавек, паказваў дакументы і ўсё астатняе. Нічога дакладнага не сказаў: проста хтосьці пабіўся, быў захоп па справе хуліганства, — расказвае беларус. — Гэта было маё першае знаёмства з СБУ. Я спужаўся, забыўся паглядзець, як там імя і прозвішча чалавека, які прыйшоў. На наступны дзень яны мне пазванілі самі і расказалі больш інфармацыі.

Па іх словах, гэта хлопец з Украіны, які шукаў падпрацоўку. Ён фарбаваў дзверы, вешаў сцягі чырвона-зялёныя на ўсялякіх грамадскіх арганізацыях. Яны таксама сказалі, што ён рабіў штосьці каля Беларускага дома, займаўся «ціхарызмам» — то-бок яго нанялі здымаць на камеру людзей на мітынгах у Кіеве.

Я пражываю ў будынку, які значыцца як адрас рэгістрацыі адной дабрачыннай арганізацыі беларусаў у Кіеве. У таго чалавека было заданне прыгнаць сюды машыну (ён купіў нейкую старую з украінскімі нумарамі), праз тры дні прыйсці, абліць яе бензінам і падпаліць. Пасля гэтага мусіў зрабіць фатаграфію ці відэа і даслаць актывістам з пазнакай: «Вы наступныя».

За гэта яму абяцалі сто тысяч грывен (каля $3500, — «НН»). СБУ за ім сачыла, узяла яго пасля таго, як ён абліў машыну дзвюма каністрамі бензіну».

Наколькі Глебу вядома, раней таго чалавека прыцягвалі да адказнасці, напрыклад, за крадзеж у краме бутэлькі каньяку.

На відэа, апублікаваным СБУ, ён прызнаецца, што па заданні куратараў фатаграфаў пад ваенкаматам Жытоміра машыны, якія там стаялі. Па яго словах, прыходзілі таксама ўказанні запусціць салют каля амбасады ці зрабіць міні-мітынг. Накіроўвалі таго чалавека праз ананімныя тэлеграм-каналы.

СБУ паведаміла, што той чалавек таксама датычны да запалохвання прадстаўнікоў СМІ і замежных грамадзян. Для гэтага ён пакідаў пагрозы і ладзіў правакацыі каля іх дамоў у Кіеве. Ён таксама збіраў звесткі пра ўкраінскіх вайскоўцаў з памежных раёнаў. 

На затрыманага завялі крымінальную справу па артыкулах за дзяржаўную здраду і тэрарыстычны акт.

«У СБУ сказалі, што беларусы ва Украіне могуць адчуваць сябе спакойна, бо з улікам сітуацыі на мяжы за нашымі грамадзянамі ідзе больш узмоцнены кантроль, чым за іншымі замежнікамі», — дадае Глеб.

Чытайце яшчэ:

СБУ: Затрыманы беларускі агент, які планаваў тэракт у Кіеве

Каментары

Літва забараняе ўезд аўто на беларускіх нумарах15

Літва забараняе ўезд аўто на беларускіх нумарах

Усе навіны →
Усе навіны

88-гадовы апальны экс-кіраўнік «Пінскдрэва» Арыніч жыве ў Беластоку ў здымнай кватэры за кошт сваякоў2

Памёр Ігар Гіпс

«Калі ўпала першая льдзінка, я зразумела, што ўсё». Град памерам з курынае яйка пашкодзіў машыну беларускі2

У Беларусі затрымалі літоўца, які абвінавачваецца на радзіме ў забойстве2

Ціханоўская: Абмежаванні на мяжы не закрануць аўтобусы і маршруткі22

Літовец расказаў, як трапіў у полк Каліноўскага3

Паліцыя затрымала ў Варшаве беларуса, які прыйшоў у міністэрства з небяспечнымі прадметамі3

«Пакуль узаемнасці не бачым». Лукашэнка наракае, што не можа дамовіцца з Польшчай і Літвою29

Навукоўцы знайшлі на Месяцы пячору. Яны спадзяюцца, што ў ёй калі-небудзь паселяцца астранаўты1

больш чытаных навін
больш лайканых навін

Літва забараняе ўезд аўто на беларускіх нумарах15

Літва забараняе ўезд аўто на беларускіх нумарах

Галоўнае
Усе навіны →