Стала вядома, куды адправілі Леаніда Зайца, які сёлета патрапіў у скандал
Былога кіраўніка Магілёўскай вобласці Леаніда Зайца прызначылі намеснікам старшыні Савета Рэспублікі Нацыянальнага Схода. Фактычна ён будзе намеснікам Наталлі Качанавай.
![](http://d3kcf2pe5t7rrb.cloudfront.net/img/w732d4webp1/photos/z_2021_12/zayaczlukashenko-ntcb5.jpg.webp)
Нагадаем, сем год (з 2012 па 2019) Леанід Заяц быў міністрам сельскай гаспадаркі. Яго звольнілі неўзабаве пасля таго, як Лукашэнка прыехаў на «Агракамбінат «Дзяржынскі»» і раскрытыкаваў «абасраных кароў». З 1 красавіка Заяц выконваў абавязкі старшыні Магілёўскага аблвыканкама. Яго знялі 13 снежня.
На месца Зайца ў аблвыканкам прыйшоў былы памочнік Лукашэнкі па Мінскай вобласці Анатоль Ісачанка.
У кастрычніку Заяц трапіў у зліў былых сілавікоў. У апублікаваным аўдыя ішла гаворка пра «адпрацоўку» жыхара Дзяржынскага раёна, «суседа дачкі міністра». На самым высокім узроўні яго «папрасілі паставіць на месца».
Каментары