Грамадства

У Маскве затрыманы журналіст «Камсамольскай праўды», які напісаў артыкул пра Андрэя Зельцэра. Цяпер ён на Акрэсціна

Затрыманы журналіст «Камсамольскай праўды» Генадзь Мажэйка, перадаюць праваабаронцы. 

Па словах маці Генадзя Мажэйкі Ірыны, ператрус у кватэры журналіста праводзілі супрацоўнікі КДБ, ён доўжыўся каля дзвюх з паловай гадзін. У пастанове на ператрус пазначаны два артыкулы КК:

— 130 ч. 3 (Распальванне расавай, нацыянальнай, рэлігійнай альбо іншай сацыяльнай варожасці) і арт. 369 (Абраза прадстаўніка ўлады). Ператрус праводзілі каля 7 чалавек. Таксама разам з імі былі двое панятых (супрацоўнікі сказалі, што гэта людзі, якіх сустрэлі на вуліцы), — распавядае Ірына. — Канфіскавалі флэш-назапашвальнікі, налепкі і значкі 2001-га года. Усё было ветліва.

Генадзя падчас ператрусу дома не было. Як мяркуецца, у гэты час ён знаходзіўся на тэрыторыі Расіі.

— Апошні раз мы размаўлялі з сынам па відэасувязі днём 30 верасня. Тады ён быў у гатэлі ў Маскве.

Уначы з 1 на 2 кастрычніка маці Генадзя патэлефанавалі і сказалі, што сын затрыманы і знаходзіцца ў ізалятары на Акрэсціна ў Менску.

Менавіта яго аўтарства стаяла пад артыкулам пра забітага Андрэя Зельцэра, пасля публікацыі якога сайт выдання быў заблакаваны. У артыкуле аднакласніца Зельцэра падзялілася ўспамінамі пра яго, станоўча адгукнулася пра забітага. Як лічыць галоўны рэдактар «Камсамольскай праўды» Уладзімір Сунгоркін, гэта і стала прычынай затрымання яго супрацоўніка. 

Прэс-сакратар Пуціна асудзіў такое дзеянне і назваў блакіроўку «Камсамолкі» парушэннем свабоды слова. 

Генадзь Мажэйка працуе ў «Камсамольскай праўдзе» з 2009 года. Звычайна піша на аўтамабільную тэматыку, пра ўзбраенне і армію. У той дзень, калі выйшаў матэрыял пра Зельцэра, Мажэйка быў дзяжурным на сайце.

Ноччу з 11 на 12 жніўня 2020 года Генадзь Мажэйка працаваў у сталічным мікрараёне Серабранка. Яго, фатографа і вадзіцеля выцягнулі з машыны і пабілі сілавікі.

Каментары

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў2

Замах на Дональда Трампа планаваў Іран — CNN11

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі30

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →