Бялізна ад Кім Кардаш’ян і афрыканскія тунікі. У што апрануты алімпійскія зборныя розных краін
Кожныя гульні для атлетаў распрацоўваюцца цэлыя калекцыя — ад куртак і касцюмаў да бейсболак і заплечнікаў. Паказваем, як выглядае алімпійская форма розных краін.
![](http://d3kcf2pe5t7rrb.cloudfront.net/img/w732d4webp1/photos/z_2021_08/btytan210801-dyg6z.jpg.webp)
Беларусь
Форму беларускім спартсмэнам адшывала фабрыка «Сола-Пінск». Яны ж рабілі адзенне для валанцёраў на ІІ Еўрапейскіх гульнях.
![](http://d3kcf2pe5t7rrb.cloudfront.net/img/w732d4webp1/photos/z_2021_08/bel1_310801-jc1uu.jpg.webp)
Гэта першы выпадак, калі экіпіроўку для нашай зборнай на Алімпіяду вырабляе айчынная фірма — раней яе замаўлялі ў Adidas ці Fila, напрыклад.
![](http://d3kcf2pe5t7rrb.cloudfront.net/img/w732d4webp1/photos/z_2021_08/bel2_-fuhym.jpg.webp)
Асноўнымі колерамі сталі белы, блакітны і ментолавы. Такую гаму абралі, бо яна лепш глядзіцца ў тэлеэфіры.
Расія
![](http://d3kcf2pe5t7rrb.cloudfront.net/img/w732d4webp1/photos/z_2021_08/rus1_310801-vni6a.jpg.webp)
Класічную спартыўную форму зборнай разбаўляюць усходнія матывы.
![](http://d3kcf2pe5t7rrb.cloudfront.net/img/w732d4webp1/photos/z_2021_08/rus2_210801-z5o13.jpg.webp)
Пінжакі нагадваюць кімано, а выява нацыянальнага сцяга — гіганцкі веер. На ўнутраным баку касцюмаў намаляваны абярэг з пажаданнем удачы.
ЗША
![](http://d3kcf2pe5t7rrb.cloudfront.net/img/w732d4webp1/photos/z_2021_08/usa1_210801-1m4i6.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2021_08/usa2_210801-ibyrg.jpg.webp)
Форма шылася з паліэстэру з перапрацаваных бутэлек і бавоўны, пафарбаванай з мінімальнымі затратамі энергіі. Такі ўклад дызайнера ў экалогію.
А тэлезорка Кім Кардаш’ян выпусціла ніжнюю бялізну і адзенне для адпачынку для спартоўцаў. Яе брэнд Skims ужо распачаў продаж гэтай калекцыі.
Італія
![](http://d3kcf2pe5t7rrb.cloudfront.net/img/w732d4webp1/photos/z_2021_08/italy1_210801-6orbg.jpg.webp)
Італьянскіх алімпійцаў апранаў дызайнер Джорджа Армані. Не абышлося без адсылак да Японіі — напрыклад, надпіс «Італія» на спіне стылізаваны пад іерогліфы. «Нашы войны гатовы да Токіа», — з такім слоганам прэзентавалі калекцыю, параўноўваючы спартсмэнаў з самураямі.
![](http://d3kcf2pe5t7rrb.cloudfront.net/img/w732d4webp1/photos/z_2021_08/italy2_210801-j6v77.jpg.webp)
Асноўныя колеры экіпіроўкі — белы і цёмна-сіні. Плюс гіганцкая выява сцяга. Адны крытыкі ў захапленні, іншыя называюць форму горшай на Алімпіядзе.
Вялікабрытанія
Калекцыю для спартсмэнаў прэзентавалі на тыдні моды ў Лондане. Дызайнеры натхняліся алімпійскай формай 1960-х гадоў. Такі стрыманы брытанскі стыль — курткі-бомберы з паласатымі рукавамі, светлыя штаны-чынас, цішоткі-пола (балельшчыкі могуць набыць любую за 55 фунтаў).
Венгрыя
![](http://d3kcf2pe5t7rrb.cloudfront.net/img/w732d4webp1/photos/z_2021_08/hungary1_210801-tndrp.jpg.webp)
Плісірованыя спадніцы ў колерах нацыянальнага сцяга, шаўковыя сарафаны, кароткія кімано…
![](http://d3kcf2pe5t7rrb.cloudfront.net/img/w732d4webp1/photos/z_2021_08/hungary2_210801-861wn.jpg.webp)
Верагодна, венгерскія модніцы імгненна раскупяць алімпійскую форму. За яе распрацоўку браўся лакальны брэнд Nubu, які спалучае мінімалізм і сучаснасць.
Чэхія
![](http://d3kcf2pe5t7rrb.cloudfront.net/img/w732d4webp1/photos/z_2021_08/czehija210801-eqb0k.jpg.webp)
Дызайнеры абыгралі народны чэшскі касцюм. Сіняя тканіна з белым узорам — гэта ручная афарбоўка ў тэхніцы «мадроціск» (рамяство са спісу нематэрыяльных культурных каштоўнасцяў ЮНЕСКА). Узор наносіцца перад афарбоўкай з дапамогай драўлянага трафарэта і бескаляровай пасты.
Парадную форму дапоўнілі чырвонымі чаравікамі, плеценымі сумкамі і веерамі.
Нідэрланды
![](http://d3kcf2pe5t7rrb.cloudfront.net/img/w732d4webp1/photos/z_2021_08/niderlandy1_210801-ldko0.jpg.webp)
Для зборнай Нідэрландаў распрацавалі нібыта круізную калекцыю. Светлыя касцюмы ў палоску, модныя ў гэтым сезоне бермуды…
![](http://d3kcf2pe5t7rrb.cloudfront.net/img/w732d4webp1/photos/z_2021_08/niderlady2_210801-9z9ts.jpg.webp)
У такім пасля афіцыйных мерапрыемстваў можна адразу адпраўляцца на праменад па ўзбярэжжы.
Тонга
![](http://d3kcf2pe5t7rrb.cloudfront.net/img/w732d4webp1/photos/z_2021_08/wanuatu1_210801-fae9q.jpg.webp)
Зборныя экзатычных краін заўсёды выглядаюць каларытна. Гэтым разам увагу прыцягнулі атлеты з Тонга. А дакладней, іх сцяганосец — на цырымоніі адкрыцця ён з’явіўся ў нацыянальнай спадніцы, упрыгожанай малюскамі, і з голым торсам, шчодра абмазаным алеем.
![](http://d3kcf2pe5t7rrb.cloudfront.net/img/w732d4webp1/photos/z_2021_08/wanuatu2_210801-gzfmi.jpg.webp)
Касцюмы гэтай зборнай аднолькавыя для мужчын і жанчын — яркая цішотка з ружовым арнаментам і сіняя спадніца.
Ліберыя
![](http://d3kcf2pe5t7rrb.cloudfront.net/img/w732d4webp1/photos/z_2021_08/lib210801-1apkl.jpg.webp)
Да гэтай калекцыі прыклаў руку папулярны ў моладзі амерыканскі брэнд Telfar (яго заснаваў дызайнер ліберыйскага паходжання). Ён натхняўся афрыканскай культурай — апрануў алімпійцаў у тунікі і шаравары.
![](http://d3kcf2pe5t7rrb.cloudfront.net/img/w732d4webp1/photos/z_2021_08/lib2_210801-m2otc.jpg.webp)
Іншая фішка дызайнера — нестандартныя канструктарскія рашэнні (напрыклад, шорты, падобныя да завязанага на поясе ручніка).
Каментары