Выканкам Беларускай федэрацыі футбола зацвердзіў палажэнне «Аб ліміце максімальных фіксаваных штомесячных заробкаў, прэміяльных і іншых узнагарод для работнікаў клубаў вышэйшай лігі».
Паводле новага палажэння, 15 тысяч рублёў без уліку прэміяльных — столь зарплаты гульца чэмпіянату Беларусі
Такія грошы дазваляецца плаціць толькі футбалістам беларускай «нацыяналкі» (для такога статусу неабходна згуляць не менш за 50 працэнтаў матчаў за два апошнія гады) і тром легіянерам у кожным клубе. Пры гэтым фонд штомесячнай агульнакаманднай зарплаты ў кожным клубе не павінен перавышаць 150 тысяч рублёў.
Заробак галоўнага трэнера ў новым годзе не павінен перавышаць 8 тысяч рублёў, старшы трэнер не зможа зарабляць больш за 5 тысяч, а заробак трэнера-асістэнта абмяжуюць 4 тысячамі. Зноў-такі без уліку прэміяльных.
На бонусы для футбалістаў і прадстаўнікоў трэнерска-адміністрацыйнага штаба пакуль што ўстаноўлены наступныя ліміты:
— агульнакамандны бонус за перамогу ў матчы чэмпіянаце — не больш за 30 тысяч рублёў;
— агульнакамандны бонус за перамогу ў гульні Кубка — не больш за 20 тысяч;
— за перамогу ў еўракубкавай сустрэчы — не больш за 60 тысяч на ўсю каманду.
Каментары