Vykankam Biełaruskaj fiederacyi futboła zaćvierdziŭ pałažeńnie «Ab limicie maksimalnych fiksavanych štomiesiačnych zarobkaŭ, premijalnych i inšych uznaharod dla rabotnikaŭ kłubaŭ vyšejšaj lihi».
Pavodle novaha pałažeńnia, 15 tysiač rubloŭ biez uliku premijalnych — stol zarpłaty hulca čempijanatu Biełarusi
Takija hrošy dazvalajecca płacić tolki futbalistam biełaruskaj «nacyjanałki» (dla takoha statusu nieabchodna zhulać nie mienš za 50 pracentaŭ matčaŭ za dva apošnija hady) i trom lehijanieram u kožnym kłubie. Pry hetym fond štomiesiačnaj ahulnakamandnaj zarpłaty ŭ kožnym kłubie nie pavinien pieravyšać 150 tysiač rubloŭ.
Zarobak hałoŭnaha treniera ŭ novym hodzie nie pavinien pieravyšać 8 tysiač rubloŭ, staršy trenier nie zmoža zarablać bolš za 5 tysiač, a zarobak treniera-asistenta abmiažujuć 4 tysiačami. Znoŭ-taki biez uliku premijalnych.
Na bonusy dla futbalistaŭ i pradstaŭnikoŭ trenierska-administracyjnaha štaba pakul što ŭstanoŭleny nastupnyja limity:
— ahulnakamandny bonus za pieramohu ŭ matčy čempijanacie — nie bolš za 30 tysiač rubloŭ;
— ahulnakamandny bonus za pieramohu ŭ hulni Kubka — nie bolš za 20 tysiač;
— za pieramohu ŭ jeŭrakubkavaj sustrečy — nie bolš za 60 tysiač na ŭsiu kamandu.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj30
Kamientary