У адрозьненьне ад мінулых нядзельных мітынгаў, сёньня на «Маршы справядлівасьці» ў Гомлі было шмат супрацоўнікаў АМАП, якія расьсякалі калёну, затрымлівалі ўдзельнікаў, піша «Радыё Свабода».
Спачатку людзі традыцыйна сабраліся каля ўнівэрмагу «Гомель» і пачалі рух па вуліцы Савецкай. Каля будынку гарадзкіх аркестраў іх чакаў АМАП, які перагарадзіў дарогу. Людзі перайшлі на іншы бок вуліцы, але і там трапілі ў пастку.
![](http://d3kcf2pe5t7rrb.cloudfront.net/img/w732d4webp1/photos/z_2020_09/f333cebd-6cc3-4c5e-ae57-df7b822f3379_w1023_r0_s-rzl9f.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2020_09/4a5d402e-ca5e-4cc1-a0f0-99f8835178dc_w1023_r0_s-kqlps.jpg.webp)
Калёна пайшла па праспэкце Перамогі — там таксама людзей чакаў АМАП. Адбываліся кропкавыя затрыманьні. Нарэшце людзі сабраліся — некалькі соцень чалавек на плошчы Паўстаньня — і рушылі ў бок плошчы Леніна. Каля цырку яны прарвалі шэраг АМАПу і пайшлі далей, але на сквэры Грамыкі ім зноў перагарадзіў дарогу АМАП.
![](http://d3kcf2pe5t7rrb.cloudfront.net/img/w732d4webp1/photos/z_2020_09/d5935d9c-7f9b-4f3c-ab40-0e9535ed35aa_w1023_r0_s-95pfw.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2020_09/dfd88d57-4c73-4843-8b13-507917333cfd_w1023_r0_s-2stuj.jpg.webp)
У выніку марш праходзіў ад сквэру Грамыкі да цырку. Ля цырку АМАП пачаў людзей адцясьняць, а потым затрымліваць. Цяпер вядома ня менш як пра 20 затрыманых.
![](http://d3kcf2pe5t7rrb.cloudfront.net/img/w732d4webp1/photos/z_2020_09/36d372b5-d716-4f56-838e-ce3b0d551eaf_w1023_r0_s-xgpuk.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2020_09/0058992e-e53d-445e-8d40-3a6d9e556960_w1023_r0_s-k10to.jpg.webp)
Палітык Васіль Палякоў вяртаўся з маршу дахаты, яго затрымалі каля дому. «За мной сачыў міліцыянт, ехаў разам у тралейбусе», — расказаў палітык.
Жыхарку Гомля Кацярыну Макушкіну затрымалі проста ў краме касмэтыкі. Затрымалі і актывістку Сьвятлану Нарскіну.
![](http://d3kcf2pe5t7rrb.cloudfront.net/img/w732d4webp1/photos/z_2020_09/84fc4048-ca9d-4e2a-a4e8-7ffda1458cd5_w1023_r0_s-url2c.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2020_09/bd632f04-7a48-4b53-8839-83535fa3bf55_w1023_r0_s-sxgp0.jpg.webp)
Відавочцы таксама расказалі пра брутальнае затрыманьне маладой жанчыны. Яна здымала на камэру супрацоўнікаў міліцыі.
«Міліцыя наляцела на яе і выбіла з рук тэлефон. Яна выбіла ў іх з рук рацыю. Пачалася штурханіна. За жанчыну заступіўся невядомы мужчына. Але жанчыну ўсё-ткі затрымалі. Яшчэ адну дзяўчыну схапілі ў дварах на Савецкай», — сказаў «Свабодзе» жыхар Гомля Юрый.
![](http://d3kcf2pe5t7rrb.cloudfront.net/img/w732d4webp1/photos/z_2020_09/d5e08eff-cc4f-4e99-8cf0-7c458e6e8abb_w1023_r0_s-tstuv.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2020_09/437bb81f-d339-4a6a-9dc4-475205abe950_w1023_r0_s-nynpk.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2020_09/884f7356-9f48-4545-a033-77e8b1bf2c6b_w1023_r0_s-67jq9.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2020_09/c90da795-3e7b-410e-aec4-996104db9c25_w1023_r0_s-hieg9.jpg.webp)
Каментары