Сямашка: Уніфікацыю падатковага заканадаўства вырашылі адкласці яшчэ на год
Пасол Беларусі ў Расіі Уладзімір Сямашка лічыць, што Аляксандр Лукашэнка і Уладзімір Пуцін знайшлі падыходы да таго, як вырашыць пытанне з падатковым манеўрам у нафтавай сферы.
![](http://d3kcf2pe5t7rrb.cloudfront.net/img/w732d4webp1/photos/z_2019_12/semashko_1-6368f.jpg.webp)
Як піша БелТА, Сямашка канстатаваў, што кампенсацыя выдаткаў з-за падатковага манеўру — адна са складаных праблем у двухбаковых адносінах.
«Пакуль мы не дамовімся па ўніфікацыі падатковага заканадаўства, немагчыма будзе развязаць гэтае пытанне, — сказаў ён. — Таму там тэрміны некалькі ссунутыя яшчэ на адзін год.
Пастаўлена задача, каб пытанні уніфікацыі падаткаабкладання былі вырашаны на працягу 2020-2021 гадоў і запрацавалі рэальна з 1 студзеня 2022 года. Пытанне поўнай кампенсацыі выдаткаў ад падатковага манеўру можа быць вырашана з 1 студзеня 2022 года, так і дамовіліся».
Каментары