Вызваленне крымскататарскіх актывістаў з расійскага зняволення стане другім этапам абмену палоннымі паміж Украінай і Расіяй. Пра гэта сказаў Уладзімір Зяленскі, адказваючы на пытанне карэспандэнта Крым.Реалии пра перспектывы вызвалення крымскіх татараў з расійскіх турмаў.
![](http://d3kcf2pe5t7rrb.cloudfront.net/img/w732d4webp1/photos/z_2019_09/a726f37385d0d77203de621c49108e3d_1567857633_extra_large-e6o5z.jpeg.webp)
«Я думаю, гэта будзе другі этап. У другім ужо этапе мы будзем працаваць. Мы вернем усіх нашых людзей адтуль. Вызвалім, таму што многія нашы людзі ў Крыме», — сказаў Зяленскі.
Ён разлічвае, што гэта адбудзецца як мага хутчэй. «Мы не гаворым не пра год, і не пра два, і не пра тры. Мы хочам гэта рабіць вельмі хутка. Мы марым пра гэта і працуем», — адзначыў ён.
Каментары