Урад Венесуэлы распарадзіўся спыніць вяшчанне CNN у сетках кабельных аператараў краіны. Пра гэта гаворыцца ў паведамленні на сайце амерыканскага тэлеканала.

Сайт тэлеканала застаецца даступным. Прадстаўнік CNN ад каментароў адмовіўся. Гэта не першы выпадак, калі CNN заблакаваны ў Венесуэле, адзначыў тэлеканал.

Нацыянальная камісія па тэлекамунікацыях Венесуэлы (Conatel) аддала адпаведнае распараджэнне вяшчальнікам DirecTV, Net Uno, Intercable і Telefonica. Сігнал быў адключаны 30 красавіка ў 11:44 па мясцовым часе, адразу пасля таго, як тэлеканал пачаў трансляваць кадры сутыкненняў паміж урадавымі сіламі і апазіцыяй у Каракасе.

Вяшчанне CNN на іспанскай мове было заблакавана ў Венесуэле яшчэ ў 2017 годзе, адзначае тэлеканал.

30 красавіка ўлады таксама спынілі вяшчанне брытанскай тэлерадыёкарпарацыі Бі-бі-сі і венесуэльскай радыёстанцыі Caracas Radio. 

Клас
0
Панылы сорам
0
Ха-ха
0
Ого
0
Сумна
0
Абуральна
0