У панядзелак, 18 сакавіка, расійскі рэсурс «Спутнік» арганізуе ў Мінску прэс-канферэнцыю пасла Расіі ў Беларусі Міхаіла Бабіча. Прэс-канферэнцыя прысвечана «пяцігоддзю ўваходжання Крыма ў склад Расійскай Федэрацыі».
Паведамляецца, што Бабіч раскажа пра тое, «як цяпер развіваецца Крым, якія асноўныя напрамкі эканамічнага развіцця гэтага рэгіёну стаяць у прыярытэце ў кіраўніцтва Расійскай Федэрацыі, чым жывуць простыя крымчане».
Нагадаем, 18 сакавіка 2014 года ў Крамлі Пуцін падпісаў з самаабвешчанай «дзяржавай» дагавор, у выніку чаго Крым і Севастопаль былі анексаваныя Расіяй.
Каментары