«Фашысты ад пачатку былі гамасекамі». Расійскі дэпутат Мілонаў даў пякельнае інтэрв’ю Ксеніі Сабчак ВІДЭА
Скандальны дэпутат расійскай Дзяржаўнай Думы ад партыі «Адзіная Расія» Віталь Мілонаў стаў госцем перадачы «Сабчак жыўцом» на незалежным тэлеканале «Дождь».
Мілонаў зрабіў сабе кар’еру як змагар за маральнасць расійскага грамадства. У 2011 годзе Мілонаў стаў адным з аўтараў піцерскага закона аб адміністрацыйнай адказнасці за прапаганду ЛГБТ-супольнасці.
Гэтаксама Мілонаў выступаў супраць кальянаў, тэорыі Дарвіна, патрабаваў закрыць амаральны тэлеканал MTV, абураўся купальнікамі ў грамадскіх месцах.
У выніку Мілонаву атрымалася прабіцца з Санкт-Пецярбурга ў Думу.
«У Маскве не трэба развітвацца з добрымі, традыцыяналісцкімі звычкамі, а то так можна веганам стаць, фалафелі пачаць жраць. Мне падабаецца фалафель у Дамаску, там хіпстараў няма. А ў Маскве фалафель нясмачны, а яшчэ яго ядуць усякія лузеры. У Маскве ў плане камфорту, смачна паесці, вельмі добра», — кажа Мілонаў.
У гутарцы з Ксеніяй Сабчак Мілонаў не змог прамінуць сваю любімую тэму гомасэксуалізму. «Гамасек, садаміт», — так назваў Мілонаў ЛГБТ-актывіста, які прыкаваў сябе кайданкамі на мосце Ахмада Кадырава. «Ён гамасек, усе гамасекі спідозныя, — не спыняўся Мілонаў. — Калі б не гамасекі, то СНІДу б не было. Гэтыя гамасекі спалі з малпамі, потым адзін з адным, адтуль пайшоў СНІД».
Потым Мілонава панесла яшчэ больш: «Яшчэ Максім Горкі казаў: «Прыбярыце гамасекаў, фашызм прападзе». Гэта ягоная фраза. Фашысты ад пачатку былі гамасекамі, дарэчы, блакітнымі».
Здаецца, у беларускім палітычным полі ніхто не апускаецца на ўзровень Мілонава. Але хто б мог тут заняць гэтую нішу?
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары