Служба бяспекі Украіны сумесна з паліцыяй знайшла больш за 100 грузавікоў, якія махляры «купілі» ў Мінскага аўтамабільнага завода. Пра гэта паведамляе прэс-служба СБУ.
![](http://d3kcf2pe5t7rrb.cloudfront.net/img/w732d4webp1/photos/z_2016_10/n_2125_60618176-godqv.jpg.webp)
Фото: пресс-центр Службы безопасности Украины
У 2013 годзе кіраўнікі камэрцыйнай структуры заключылі дагавор з прадстаўніком ААТ «Менскі аўтамабільны завод» ва Украіне на пастаўку 150 грузавых аўтамабіляў маркі «МАЗ» і прычэпаў да іх коштам больш як 15 млн даляраў ЗША. Атрыманыя грузавікі былі прададзеныя іншым прадпрыемствам, атрыманыя ж сродкі зламысьнікі перавялі ў наяўныя з выкарыстаньнем падстаўных камэрцыйных структур і прысвоілі.
«18—19 кастрычніка 2016 года апэратыўнікі спэцслужбы з прыцягненьнем спэцыялістаў прадпрыемства-вытворцы правялі шэраг вобыскаў на аўтатранспартных прадпрыемствах Хмяльніцкай, Запароскай, Мікалаеўскай, Чаркаскай, Кіраваградзкай і Чарнігаўскай абласьцей. Па выніках вобыскаў канфіскавана больш за 100 грузавікоў, якія знаходзіліся ў вышуку.
«Ашуканскія дзеяньні, якія маглі прывесьці да нэгатыўных наступстваў для міжнароднага іміджу дзяржавы, папярэдзіла Служба бясьпекі Ўкраіны сумесна з паліцыяй», — адзначаецца ў паведамленьні.
Адкрыта крымінальная справа па ч. 4 арт. 190 (махлярства): Крымінальнага кодэксу Ўкраіны. Сьледчыя дзеяньні працягваюцца», — гаворыцца ў паведамленьні СБУ.
Каментары