Па росце спажывецкіх цэн у 2012 годзе Беларусь, як і годам раней, заняла першае месца сярод краін былога СССР.

Летась павелічэнне цэн склала ў Беларусі 21,8% (у 2011-м — 108,7%).
Далей ідуць Кыргызстан — 7,5% (5,7%), Расія — 6,6% (6,1%), Таджыкістан — 6,4% (9,3%), Казахстан — 6% (7,4%), Туркменістан — 5,3% (5,3%), Малдова — 4,1% (7,8%), Эстонія — 3,5% (3,7%), Арменія — 3,2% (4,7%), Літва — 2,8% (3,4%), Латвія — 1,6% (4%).

Ва Украіне цэны знізіліся на 0,2% (+4,6%), у Азербайджане — на 0,3% (+5,4%), у Грузіі — на 1,4% (+2%). Даныя па Узбекістане пакуль недакладныя: рост цэн склаў «менш за 7%" (2011 год — 7,6%).

У снежні 2012 года Беларусь з 1,4% была трэцяй па росце цэн пасля Арменіі (2,1%) і Кыргызстана (1,5%). За імі размясціліся Азербайджан (0,7%), Казахстан (0,6%), Малдова, Расія (па 0,5%), Украіна (0,2%) і Таджыкістан (0,1%). Не змяніліся цэны ў Латвіі, знізіліся ў Літве, Эстоніі (па 0,1%) і Грузіі (0,3%). Няма звестак па Туркменістане і Узбекістане.

У самаабвешчанай Прыднястроўскай Малдаўскай Рэспубліцы рост цэн у снежні склаў 0,8%, па выніках года — 10,4% (у 2011-м — 16%).

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?