Культура1818

Сядзібу ў Падароску выкупіў беларус з Эстоніі за $120 тысяч

Расійскі бізнэсмен беларускага паходжання, які жыве ў Таліне, хоча адкрыць у сядзібе музей, гатэль і карчму.


Аўкцыён па продажу сядзібы ў Падароску нарэшце адбыўся.

27 снежня сядзіба Бохвіцаў, якая знаходзіцца на поўдні Ваўкавыскага раёну пры дарозе з Брэсту ў Гродна, была прададзеная расейскаму бізнэсмену Паўлу Падкарытаву.
Пачатковы кошт аўкцыёну складаў 971,5 мільёна рублёў (гэта каля $113 тысяч).
У пратаколе пераможцы аўкцыёну пазначана сума 1,02 мільярда рублёў, гэта каля $120 тысяч у эквіваленце.
Цяпер бізнэсмен мусіць заключыць дамову з Ваўкавыскім райвыканкамам і сплаціць пакупную цану.

«Летась была праведзеная новая ацэнка, і сядзібу мусілі б выставіць на аўкцыён коштам больш за $200 тысяч, — расказвае Падкарытаў. — Наўрад ці я прыняў бы ўдзел ў ім у гэтым выпадку». Потым, згодна з прэзідэнцкім указам, з агульнага цаны быў выключаны кошт «зялёных насаджэнняў», і выніковая сума склала каля $95 тысяч. Гэта здалося «Гроднавоблмаёмасці» замалым, таму яны павялічылі цану яшчэ амаль на 20%. Хоць прэтэндэнт на куплю быў толькі адзін — Падкарытаў.

Планы новага гаспадара

Павел Падкарытаў — расійскі бізнэсмен, які цяпер жыве ў Таліне.
Ён нарадзіўся ў 1968 годзе ў Екацярынбургу, мае юрыдычную адукацыю. Падкарытаў быў акцыянерам карпарацыі «Уралінвестэнерга».
Пасля некалькі спробаў перадзелу маёмасці ў 2005 годзе частка мэнэджэраў і акцыянераў кампаніі, сярод якіх быў і Падкарытаў, былі арыштаваныя. Бізнэсмен выйшаў на волю толькі ў 2010 годзе.
Цяпер ён актыўна займаецца дабрачыннымі праектамі.

Маючы па бабулі беларускія карані, ён, знаходзячыся ў СІЗА, вывучыў беларускую мову, стаў сябрам ТБМ.

Па яго словах, найпершае, што трэба зрабіць — гэта аднавіць сядзібу і парк вакол яе, наколькі гэта магчыма ў аўтэнтычным стане. Падкарытаў кажа, што будзе імкнуцца зрабіць так, каб гэтае месца было прывабным для турыстаў як з Беларусі, так і з Еўропы і Расіі.

Ён мае планы зрабіць «музей сядзібнага побыту, а калі атрымаецца, таксама адкрыць невялікі гатэль і, магчыма, карчму традыцыйнай беларускае кухні».

Пажарныя замест калгаснікаў

Сядзіба Бохвіцаў знаходзіцца на самым поўдні Ваўкавыскага раёна, на мяжы Брэстчыны і Гродзеншчыны. Падарожнік, які рушыць па трасе Р44 (асноўная паміж Брэстам і Гродна), не можа не заўважыць велічны парк і высачэзную браму. Трохі далей у парку стаіць і сама двухпавярховая сядзіба.

Яна пустуе ўжо амаль дзесяць гадоў, калі з яго выехала праўленне мясцовага калгасу. Ад поўнага заняпаду гістарычны будынак ратуе толькі тое, што побач знаходзіцца пост мясцовых пажарных.
Яны ўпадабалі сажалку побач з сядзібай.

Сваім стварэннем сядзіба абавязаная роду Бохвіцаў.

У 1854 годзе маёнтак у Падароску набыў сын вядомага філосаафа Фларыяна Бохвіца, Раман. Ён і перабудаваў сядзібны дом у стылі позняга класіцызму ў 1854—1856 гг.
Пры ім быў пабудаваны спіртзавод, вадзяны млын (не захаваўся), сукнавальня (захаваўся падмурак) і шмат іншага.

Дарэчы, Ваўкавыскі раён — лідар па паспяховых продажах занядбанай гістарычнай спадчыны. Некалькі гадоў таму іншы расійскі бізнэсмен, Вадзім Селіхаў, набыў за $105 тысяч сядзібу ў Красках. Паміж ягонай уласнасцю і сядзібай, якую цяпер належыць Падкарытаву, усяго каля пяці кіламетраў.

Каментары18

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Усе навіны →
Усе навіны

Хто такі Вадзім Красікаў, у якім так зацікаўленая Расія?1

У Калужскай вобласці пацярпеў крушэнне верталёт Мі-28, экіпаж загінуў2

Самае позняе рашэнне VAR у гісторыі. Гол Аргенціны на Алімпіядзе адмянілі толькі праз дзве гадзіны2

Хто той хлопец, які падарваў расійскага афіцэра ў Маскве і быў арыштаваны ў Турцыі6

Джо Байдэн: Я перадаю эстафету новаму пакаленню

«Раптам не прыйшоў на працу, а праз пару дзён яго затрымалі». Новыя падрабязнасці пра немца, прысуджанага да расстрэлу ў Беларусі1

У Добрушскім раёне асвяцілі хлеў з каровамі ФОТАФАКТ7

Беларус накарміў вужа рыбай і зняў працэс на ВІДЭА1

У Ляхавіцкім раёне мужчына хацеў спаліць суседскі хлеў, ды памыліўся будынкам1

больш чытаных навін
больш лайканых навін

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Галоўнае
Усе навіны →