U śviecie fobij

Vosień — čas, kali fobii abvastrajucca.

Vosień — čas ciažki. I nie ŭ apošniuju čarhu ad taho, što vosieńniu abvastrajucca ŭsie našy fobii. Heta tyčycca nie tolki ludziej, što majuć prablemy ź psichikaj, ale i ŭsich astatnich — u kožnaha z nas jość, prynamsi adna (a, nasamreč, našmat bolš) fobija.

«Naša Niva» vyśvietliła, jak zmahacca z fobijami i jak zrabić vosień maksimalna kamfortnaj.

Čaho bajacca ludzi

Śpis fobij, što aficyjna isnujuć nastolki vialiki, što siarednich pamieraŭ brašuru možna skłaści ŭžo ź ich pieraliku.

Samyja, badaj što raspaŭsiudžanyja — kłaŭstrafobija i aharafobija. Heta žach, jaki vyklikaje ŭ pieršym vypadku — zakrytaja prastora, a ŭ druhim — adkrytaja. Kali, naprykład vy nie možacie siadzieć u pakoi z adčynienymi dźviaryma — heta nie prosta lohki niespakoj, tak prajaŭlajecca vaša fobija.

Inšaje pytańnie — ci niebiaśpiečna heta. Tolki ŭ redkich vypadkach fobija pierachodzić u kliničny stan, tady ŭžo treba psichałahičnaja dapamoha. A bolšaść z nas žyvie sa svaimi fobijami, i navat vielmi niadrenna.

Ale dva razy na hod, fobii majuć tendencyju abvastracca. Tady ŭžo treba pierachodzić da rašučych dziejańniaŭ, kab zrabić kamfortnym svajo žyćcio i žyćcio svaich blizkich.

Što rabić

Pry naradžeńni čałaviek nie maje fobij uvohule — jany ŭsie nabytyja. My «navučylisia» bajacca.

Adsiul vynikaje pieršy sposab zmahańnia z fobijaj — navučycca zamianiać strach na rełaksacyju. Heta tak zvanaja desiensibilizacyja — spałučeńnie ŭjaŭleńniaŭ, jakija vyklikajuć strach, z rassłableńniem.

U jaje ŭvachodzić try etapy: na pieršym vučymsia rełaksacyi, pry čym nie prostaj, a mocnaj, jakaja pa ŭździejańni budzie amal nastolki ž efiektyŭnaj, jak leki. Paśla składajem śpis svaich strachaŭ (mocnych stresavych situacyj). A paśla imkniemsia spałučyć rełaksacyju i razbor svaich strachaŭ, pačynajučy ad samaha prostaha i zakančvajučy samym ciažkim. Minus u hetaha sposabu adzin — u chatnich umovach jaho vielmi składana vykanać, i biez dapamohi psichaterapieŭta nie abyścisia.

Desiensibilizacyja zastajecca najbolš nadziejnym sposabam raźvitacca z fobijaj.

Samym papularnym mietadam zastajecca pachod da doktara, ale nie zaŭždy heta varty šlach. Ad fobij lekary mohuć i nie pazbavić, a voś ad hrošaj — lohka. Pišuć paciarpiełyja: «Kožny sieans kaštavaŭ 200 dalaraŭ, sieansaŭ było 10. Kožny raz doktar kazaŭ, što my ŭžo amal vylečyli maju fobiju, a sam vypisvaŭ mnie rełanium u šalonych dozach. Dziakuj bohu, ja jaho nie prymała». Tamu, kali vy ŭžo vyrašyli źviarnucca da doktara, vybirajcie nadziejny varyjant.

Jość i novy, technałahičny sposab — z dapamohaj virtualnaj realnaści čałavieka «pieranosiać» u strašnuju dla jaho situacyju. Pad kantrolem psichołaha čałaviek pastupova pačynaje razumieć usiu absurdnaść svajho strachu.

10 samych pašyranych fobij

Akrafobija — bojaź vyšyni

Andrafobija — bojaź mužčynaŭ

Akvafobija — bojaź vady

Aŭtafobija — bojaź adzinoty

Kardyjafobija — bojaź chvaroby serca

Kłaŭstrafobija — bojaź zamknionaj prastory

Hiemafobija — bojaź kryvi

Niekrafobija — bojaź trupaŭ

Niktafobija — bojaź ciemry

Panafobija — bojaź usiaho na śviecie

• 0
• 0
• 0
• 0
• 0
• 0
• 0
• 0