Haradzieniec padpaliŭ dźviery susieda z-za jaho pastajannych pjanak
U noč na minułuju piatnicu 54-hadovy mužčyna z žonkaj vypivali ŭ svajoj kvatery. Usio heta supravadžałasia šumam, na što źviarnuŭ uvahu 54-hadovy žychar źnizu, jaki taksama vypivaŭ, ale ŭ adzinocie.
U niejki momant mužčynu nadakučyli huki źvierchu, jon nakiravaŭsia da dźviarej susiedziaŭ i bieź lišnich słoŭ zapalničkaj padpaliŭ ich, paviedamlaje Newgrodno.by.
Dźviery zhareli całkam, ludzi, na ščaście, nie paciarpieli. Paciarpiełyja źviarnulisia ŭ milicyju, supracoŭniki kryminalnaha vyšuku ŭstanavili asobu złamyśnika.
Varta adznačyć, što raniej padazravany rabiŭ zaŭvahi, ale situacyja nie źmianiałasia. Hetym razam mužčyna pajšoŭ na krajnija miery. Za naŭmysnaje paškodžańnie majomaści, ździejśnienaje hramadska niebiaśpiečnym sposabam, raspačata kryminalnaja sprava.
Stała viadoma, chto žanich byłoj deputatki Maryi Vasilevič26
Kamientary