Ukrainskija vajskoŭcy znoŭ nanieśli ŭdar pa kamandnym punkcie rasijskaj armii na Kurščynie
Hienštab USU zajaviŭ, što ŭkrainskija vajskoŭcy 7 studzienia nanieśli «vysokadakładny ŭdar» pa kamandnym punkcie 810-j asobnaj bryhady marskoj piachoty Uzbrojenych sił Rasii ŭ rajonie nasielenaha punkta Biełaja na Kurščynie. Detalaŭ udaru pakul nie pryvodzicca, piša Ukrainskaja słužba «Radyjo Svaboda».
«Hety ŭdar i šerah niadaŭnich apieracyj suprać rasijskich farmavańniaŭ u Kurskaj vobłaści byli ŭzhodnienyja z ukrainskimi Suchaputnymi vojskami, jakija ciapier pačynajuć novyja nastupalnyja dziejańni suprać rasijskich Uzbrojenych sił», — havorycca ŭ paviedamleńni ŭkrainskaha Hienštaba.
Raniej pres-sakratar Nacyjanalnaj hvardyi Ukrainy Rusłan Muzyčuk zajaviŭ u efiry nacyjanalnaha telemarafona, što Rasija nibyta vymušanaja pierakidać u Kurskuju vobłaść svaje padraździaleńni ź inšych kirunkaŭ.
Amierykanski instytut vyvučeńnia vajny ŭ svajoj spravazdačy, apublikavanaj 6 studzienia, zajaviŭ, što ŭkrainskija siły dasiahnuli taktyčnych pośpiechaŭ padčas nastupalnych apieracyj u Kurskaj vobłaści, jakija pačalisia 5 studzienia.
Kamientary