U Saudaŭskaj Aravii paśla mocnych daždžoŭ i hradu vypaŭ śnieh, uklučajučy i pustynnuju miascovaść. Kadry z redkaj dla hetych krajoŭ źjavaj ablacieli sacyjalnyja sietki.
Pavodle infarmacyi vydańnia Khaleejtimes, u niekatorych častkach Saudaŭskaj Aravii nastupili chałady. Paśla mocnych daždžoŭ i śniehu ŭ niekatorych miascovaściach vypaŭ śnieh. Pieravažna heta adbyłosia ŭ hornych rajonach.
Adznačajecca, što rehijon El-Džauf, dzie vypaŭ śnieh, viadomy siezonnymi palavymi kvietkami. Uviesnu tut raśćvitajuć łavanda, chryzantemy i inšyja raśliny.
Snow blankets the Al-Jouf region, north of #Saudi Arabia ❄️ pic.twitter.com/g8tgTHDS9I
Miž tym, pavodle infarmacyi Saudigazette, u rehijonie ŭsio jašče jość vierahodnaść navalnic, jakija supravadžajucca mocnymi viatrami, adsutnaściu bačnaści, hradam i zalevami ŭ najbližejšyja dni.
Śnieh u Saudaŭskaj Aravii — źjava redkaja, ale čas ad času zdarajecca. Naprykład, u kancy 2022 hoda śnieh vypaŭ u horadzie Tabuku. Žychary inšych rehijonaŭ tady śpiecyjalna pryjazdžali ŭ horad, kab na heta pahladzieć. Akramia taho, da hetaha śnieh vypadaŭ u hornaj miascovaści na paŭnočnym zachadzie Saudaŭskaj Aravii.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary