Jak paviedamili jurystki Andreja Hniota «Radyjo Svaboda», jon užo na voli i 31 kastryčnika byŭ pierapraŭleny na terytoryju Jeŭrasajuza.
«Andrej pakul u šoku, prosić dać jamu dzień i dziakuje ŭsim, chto jaho padtrymlivaŭ!» — paviedamili vydańniu.
Sioleta ŭ červieni Andreja Hniota pieraviali ź białhradskaj turmy pad chatni aryšt. U vieraśni apielacyjny sud u Białhradzie admianiŭ rašeńnie pra ekstradycyju Hniota ŭ Biełaruś i viarnuŭ spravu na novy razhlad u Vysoki sud horada.
Vyzvaleńnie Andreja Hniota pryvitała biełaruskaja demakratyčnaja lidarka Śviatłana Cichanoŭskaja:
«Heta vielmi dobraja navina. Ja vinšuju Andreja z doŭhačakanaj svabodaj, vitaju i spadziajusia, što napieradzie jaho čakaje mirnaje i biaśpiečnaje žyćcio. Nadalej my nie pavinny dazvolić režymu Łukašenki vykarystoŭvać mižnarodnyja miechanizmy dla pieraśledu aktyvistaŭ. I my budziem zmahacca za kožnaha, chto trapiŭ pad represii režymu».
Taksama pry hetaj nahodzie jana padziakavała ŭsim, chto zmahaŭsia za vyzvaleńnie Andreja: advakatam, palitykam, žurnalistam, pravaabaroncam, dypłamatam. Siarod tych, chto byŭ asabliva vyłučany, apynulisia prezident Sierbii Alaksandr Vučyč, staršynia Jeŭrapiejskaj kamisii Ursuła fon der Lajen i MZS Hiermanii.
41-hadovy Andrej Hniot — režysior telerekłamy i muzyčnych klipaŭ, žurnalist. Zajmaŭsia vytvorčaściu videapradukcyi dla abjadnańnia SOS.by, jakoje ŭ Biełarusi pryznana «ekstremisckim farmiravańniem».
Mužčyna byŭ zatrymany 30 kastryčnika 2023 hoda pamiežnaj słužbaj Sierbii, kali prylacieŭ u Białhrad, paśla čaho pieradadzieny palicyi. Pryčyna zatrymańnia — znachodžańnie ŭ mižnarodnym vyšuku na zapyt biełaruskaha biuro Interpała ad 21 vieraśnia 2023 hoda. Viedamstva prasiła ekstradziravać Hniota ŭ Biełaruś dla kryminalnaha pieraśledu.
Spačatku mužčynu było vyrašana vydać Biełarusi, ale 12 sakavika 2024 hoda Apielacyjny sud u Biełhradzie admianiŭ hetuju pastanovu. Paśla hetaha sprava ab ekstradycyi Andreja Hniota pierahladałasia jašče niekalki razoŭ.
U Sierbii skasavali pastanovu ab ekstradycyi ŭ Biełaruś režysiora Andreja Hniota
Interpał vyklučyŭ sa svajho «čyrvonaha śpisu» režysiora Andreja Hniota. Ale heta jašče nie kaniec spravy
Režysior Andrej Hniot: U sierbskaj turmie samaje žachlivaje — heta miedyčnaja dapamoha. Jaje tam amal nie isnuje
Režysiora Andreja Hniota vypuścili ź sierbskaj turmy
Kamientary
Z 2001 pa 03 pry priemjerie Džyndžyčie jakoha zabiŭ zamkamandzira śpiecnaza Sierbii u zmovie z arhanizavanaj złačynnaj hruppovkaj....