DTZ sa śmiarotnym vynikam adbyłosia ŭ Małaryckim rajonie na aŭtadarozie N-746 «Čarniany — Darapiejevičy — Paŭłapal — Zavorje».
Kiroŭca aŭtamabila Lada nie spraviŭsia z kiravańniem i źjechaŭ z darohi. U vyniku avaryi zahinuŭ pasažyr, jaki znachodziŭsia ŭ sałonie.
«Pavodle papiaredniaj infarmacyi, na trecim kiłamietry zhadanaj darohi kiroŭca nie spraviŭsia z kiravańniem, źjechaŭ u kiuviet i ŭrezaŭsia ŭ prydarožnaje dreva. U vyniku avaryi 20-hadovy pasažyr zahinuŭ na miescy», — paviedamili ŭ Bresckim UUS.
Što da kiroŭcy, to jon vyžyŭ, ale atrymaŭ traŭmy i byŭ špitalizavany.
Ni kiroŭca, ni pasažyr padčas pajezdki nie byli pryšpilenyja ramianiami biaśpieki.
Kamientary