Ci možna 3 studzienia pieranieści i zrabić niepracoŭnym? Voś što adkazali ŭ Minpracy
Dziŭny hrafik vychodnych na Novy hod źbiantežyŭ biełarusaŭ. 3 studzienia staŭ adzinym rabočym dniom siarod niepracoŭnych.
1 i 2 studzienia (sierada i čaćvier) my budziem adpačyvać, zatym 3 studzienia, u piatnicu, treba vyjści na pracu, a potym — čatyry vychodnyja. U Departamient dziaržinśpiekcyi pracy Minpracy pryjšło pytańnie: ci moža kampanija pieranieści 3 studzienia na 18 studzienia ci inšuju subotu, kab zładzić vakacyi z 1 pa 7 studzienia?
U ministerstvie adkazali: nie, tak nielha, najmalnik nie maje takoha prava.
Zhodna z č. 6 art. 136 Pracoŭnaha kodeksa, urad pa ŭzhadnieńni z prezidentam moža pieranosić asobnyja pracoŭnyja dni na vychodnyja dni (suboty), a taksama davać prava arhanizacyjam z ulikam śpiecyfiki pracy rabić taki pieranos na inšyja vychodnyja, jakija prypadajuć na subotu.
U Minpracy nahadali, što pastanovaj Saŭmina ad 14 listapada 2024 hoda №839 pracoŭnyja dni ŭ 2025 hodzie pieranosiacca:
- z paniadziełka 6 studzienia na subotu 11 studzienia;
- z paniadziełka 28 krasavika na subotu 26 krasavika;
- ź piatnicy 4 lipienia na subotu 12 lipienia;
- ź piatnicy 26 śniežnia na subotu 20 śniežnia.
U arhanizacyj z ulikam śpiecyfiki pracy jość prava pieranosić hetyja pracoŭnyja dni na inšyja vychodnyja, jakija prypadajuć na subotu. 3 studzienia ŭ hetym śpisie niama.
Ale całkam mahčyma, što 3 studzienia jak vychodny dzień stanie demanstratyŭnym pieradvybarčym «padarunkam» ad Łukašenki.
Łukašenka choča, kab kiraŭniki rajvykankamaŭ pryznačali i dyrektaraŭ pryvatnych struktur33
Kamientary
Daješ stranie vuhla