U Padolsku (Maskoŭskaja vobłaść) palicyja praviała pravierku zvałki, dzie, pavodle słoŭ biełarusa, ludziej utrymlivali faktyčna ŭ rabskich umovach.
Hety mužčyna raskazaŭ vałancioram ruchu «Alternatyva», što jaho razam ź inšymi prymušali biaspłatna pracavać na sarciroŭcy śmiećcia, zabirali pašparty i nie płacili zarobak. Rabotniki znachodzili ježu prosta na zvałcy.
Na miescy palicyja znajšła 60 biełarusaŭ. Častka ź ich śćviardžała, što pryjechała dobraachvotna, a inšaja častka — kala 20 čałaviek — prasiła ab dapamozie, kab viarnucca damoŭ. Ludzi tłumačyli, što ich dakumienty byli zabranyja, a sproby ŭciačy spynialisia pahrozami.
Pradstaŭnik pracadaŭcy, vidać, pabojvajučysia nastupstvaŭ, abiacaŭ viarnuć pašparty, vypłacić hrošy i arhanizavać pajezdku dadomu. Bolšaść rabotnikaŭ zhadzilisia na hetyja ŭmovy. Tolki dvoje mužčyn admovilisia i paprasili vałancioraŭ znajści im prytułak, što i było zroblena.
Paźniej pracadaŭca dasłaŭ videadokaz, na jakim ludzi demanstrujuć atrymanyja hrošy i paviedamlajuć, što pierasiekli miažu ź Biełaruśsiu.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA9
Kamientary