Hamialčanka pieratvaryła kvateru ŭ śmietnik dla adkidaŭ. Śmiećcie prybrała, ale žyllo ŭsio adno straciła
Žycharka Homiela pieratvaryła svaju adnapakajoŭku ŭ kantejnier dla adkidaŭ. Susiedzi pa padjeździe napeŭna byli ŭ kursie prablemy: schavać taki siurpryz u šmatpaviarchoviku davoli składana.
Zvyčajna pa zakonie pluškiny abychodziacca administracyjkaj, adnak u hieraini hetaj historyi ŭsio skončyłasia inakš, piša Onliner.by.
Jak vyśvietliłasia, adnapakajovaja kvatera ŭ Centralnym rajonie dastałasia hamialčancy ŭ spadčynu. Na praciahu niekalkich hadoŭ žančyna ŭparta pieratvarała jaje ŭ asabisty reziervuar dla śmiećcia: składy bytavych adkidaŭ miescami pieravyšali mietrovuju vyšyniu.
Sama haspadynia pražyvała ŭ hetym ža šmatpaviarchoviku pobač. U pole zroku śpiecyjalistaŭ žančyna trapiła nie praz svaju ciahu da adkidaŭ, a praz šmathadovyja zapazyčanaści za pasłuhi ŽKH.
Dla taho kab ich pahasić, pradstaŭniki dziaržorhanaŭ pryniali rašeńnie aryštavać zaśmiečanuju žyłpłošču i vystavić jaje na tarhi. Pierš čym realizavać abjekt praz aŭkcyjon, haspadyniu prymusili vyzvalić kvateru ad chłamu, kab nie napałochać budučych ułaśnikaŭ.
Łukašenka: Bamžoŭ, darmajedaŭ u krainie nie budzie7
Kamientary