U paraŭnańni z 2021 hodam kolkaść pracujučych źniziłasia bolš čym na 24 tysiačy čałaviek. Pry hetym nazirajecca rost vytvorčaści sielskahaspadarčaj pradukcyi.
Na novyja ličby siarednieśpisačnaj kolkaści rabotnikaŭ u sielskaj haspadarcy Biełarusi źviarnuła ŭvahu «Sielskaja hazieta». Za pieršaje paŭhodździe hetaha hoda ličba skłała 221,6 tysiač čałaviek. U 2021 hodzie ich było 245,9 tysiač.
Atrymlivajecca, što za try hady sielskaja haspadarka straciła amal kožnaha dziasiataha rabotnika. Kali ž paraŭnać ź situacyjaj pierad raspadam SSSR, to skaračeńnie pracujučych adbyłosia amal u piać razoŭ.
Pry hetym, jak piša vydańnie, za prykładna try s pałovaj dziesiacihodździa značna pavialičyłasia vytvorčaść sielskahaspadarčaj pradukcyi.
Najbolš zaŭvažna vyrasła vytvorčaść małaka. Kali ŭ 1990 hodzie ad 1,7 miljona karoŭ było nadojena 5,6 miljonaŭ ton małaka, to ŭ 2024 hodzie majuć atrymać zvyš 8,7 miljonaŭ ton ad pahałoŭja ŭ 1,4 miljona. Pry roście nadojaŭ nazirajecca pastajannaje skaračeńnie kolkaści dajarak. Kali piać hadoŭ tamu ich było 23 tysiačy, to ciapier na 5 tysiač mienš: ich zamianiaje lepšaja miechanizacyja.
Cikava taksama pahladzieć, jak źmianiłasia ŭradžajnaść asobnych sielskahaspadarčych kultur u paraŭnańni z 1990-m hodam. Apošnija statystyčnyja ličby jość za 2022 hod.
Za bolš čym try dziesiacihodździ hety pakazčyk u ziernievych uzros usiaho na čverć — z 27,2 da 34,5 centnieraŭ na hiektar. U toj ža čas u bulby za hety ž pieryjad uradžajnaść uzrasła bolš jak na 60% (z 138 da 223 c na hiektar), uradžajnaść harodniny amal na 60% (z 188 da 295 c na hiektar), cukrovych burakoŭ — amal na 50%.
Rekardsmienami pa rostu ŭradžajnaści stała lnovałakno. Jano prybaviła bolš čym udvaja (z 4,6 da 10,7 ton na hiektar).
A voś z kukuruzaj nazirałasia advarotnaja tendencyja. Jaje ŭradžajnaść z 237 ton z hiektaru ŭ 1990-m źniziłasia da 212 ton z hiektaru ŭ 2022-m, toj hod akazaŭsia niaŭdały. Rekordnaja ŭradžajnaść — 320 ton z hiektara — była ŭ 2011 hodzie.
Što jašče prykmietna — za try dziesiacihodździ ŭ Biełarusi amal u čatyry razy ŭzrasła ŭradžajnaść pładoŭ i jahad (z 31,9 da 120,4 ton z hiektara).
My pahladzieli, jak źmianiłasia struktura vytvorčaści asnoŭnaj sielskahaspadarčaj pradukcyi na dušu nasielnictva z 1990-ha hoda pa 2022-hi.
Tak, kali ŭ 1990-m na dušu nasielnictva prychodziłasia 690 kiłahram ziernia, to ŭ 2022-m — 943 (rost amal na 37%), vytvorčaść harodniny vyrasła bolš čym u čatyry razy (z 73 da 310 kiłahramaŭ), pładoŭ i jahad — bolš čym u dva z pałovaj razy (z 35 da 89).
Značna mienš istotnym byŭ rost vytvorčaści miasa — na 16 kiłahram (z 116 da 132), małaka — na 121 kiłahram (z 732 da 853), jajek — na 16 štuk (z 359 da 375).
A voś z vytvorčaściu bulbu ŭ krainie adbyłosia skaračeńnie amal u dva razy — z 843 da 418 kiłahram na dušu nasielnictva. Ab pryčynach my pisali raniej.
Rost pradukcyjnaści pracy ŭłaścivy nie tolki Biełarusi: toje samaje zdaryłasia i va Ukrainie, Litvie, Polščy. Usio dziakujučy miechanizacyi i lepšaj łahistycy.
«Naš supolny ruski śviet». Siastra kiraŭnika MZS Ryžankova žyvie ŭ Francyi, ale paśla pačatku vajny atrymała rasijskaje hramadzianstva7
Kamientary