Pradprymalnikam prapanujuć kupić prapahandysckuju knihu za 125 rubloŭ
Na stvareńnie knihi «Biełaruś adzinaja» byŭ vydzieleny hrant Łukašenki. Ciapier vydańnie naviazvajuć pradpryjemstvam i arhanizacyjam.
Da «Dnia narodnaha adzinstva» 17 vieraśnia ŭ Biełarusi apublikavali vydańnie «Biełaruś adzinaja». Knihu vydała redakcyja časopisa «Dieło (Vostok + Zapad)». Aŭtary jaje — krajaznaviec Uładzimir Lichadziedaŭ i supracoŭnica Nacyjanalnaha muzieja Śviatłana Charužyk, navukovy kiraŭnik — deputat parłamienta Viačasłaŭ Daniłovič.
Jak stała viadoma «Radyjo Svabodzie», ciapier hetuju knihu «prapanoŭvajuć» nabyć arhanizacyjam i pradpryjemstvam. Pra heta raskazała pradprymalnica Volha (imia surazmoŭcy źmienienaje dziela biaśpieki), jakaja kiruje nievialikaj firmaj.
Pavodle jaje słoŭ, na pracoŭnuju skrynku kampanii pryjšoŭ list, dzie redakcyja časopisa «prapanuje zakupku novaha vydańnia». U liście paznačana, što heta treba zrabić «z metaj praviadzieńnia ideałahičnaj pracy». Taksama aŭtar paviedamleńnia zaznačaje, što kniha stvoranaja pry padtrymcy hrantu Alaksandra Łukašenki i ŭklučanaja ŭ «śpis sacyjalna značnych vydańniaŭ».
Vydańnie «Biełaruś adzinaja» pryśviečana 85-j hadavinie ŭźjadnańnia Zachodniaj Biełarusi i BSSR. Kaštuje jana 125 rubloŭ, ź pierasyłkaj — 145.
Pradprymalnica Volha raskazvaje, što ŭspryniała «prapanovu zakupić» jak abaviazak.
«Tym bolš tut «pałochajuć», što kniha — za hrant Łukašenki i «sacyjalna značnaja». U nas mała vybaru», — kaža Volha.
Što viadoma pra samaha pažyłoha palitviaźnia — 75-hadovaha žychara Chojnikaŭ, jakomu za kamientary prysudzili 3,5 hoda kałonii2
Kamientary
////////////////////
Kali kniha za hrant, to pavinna rassyłacca biaspłatna. A kali hrant "adbivajecca", to heta nazyvajecca kamiercyja, čym i zajmajecca hetaja šajka.