«Polšča tonie». Maskva arhanizavała novuju apieracyju pa dezynfarmacyi, biełaruskija siłaviki na padchvacie
Kanały siłavych viedamstvaŭ Biełarusi znoŭ pasłuchmiana raspaŭsiudzili dezynfarmacyju pa kamandzie Maskvy.
«Polščy zabrakavała hrošaj na budaŭnictva infrastruktury dla baraćby z pavodkaj, bo Varšava patraciła značnyja srodki na ŭzbrajeńnie Ukrainy», — napisała TASS na minułym tydni.
U svaim paviedamleńni ahienctva spasłałasia na polskaha publicysta Arkadyjuša Miksa (Arkadiusz Miksa). Hety žurnalist apublikavaŭ svaju aŭtarskuju kałonku ŭ vydańni Myśl Polska, materyjały jakoha vyznačajucca prarasijskim i antyŭkrainskim źmiestam. Na jaho staronkach drukujuć taksama opusy kramloŭskaha ideołaha Alaksandra Duhina.
U hetym vydańni pracavała i Ahnieška Pivar — polskaja žurnalistka, jakuju ź vialikaj pašanaj prymali miascovyja ŭłady, a polskaja Gazeta Wyborcza adniesła da liku «pucinskich ahientaŭ chaosu», jakija «atručvajuć infarmacyjnuju prastoru Polščy».
U chutkim časie paviedamleńnie TASS całkam pieradrukavała «Biełaruś siehodnia». Nie zastalisia zboku i telehram-kanały.
«Polšča tonie. Na damby hrošaj niama — usio patracili na Ukrainu» — piša telehram-kanał zachodniaha apieratyŭnaha kamandavańnia Uzbrojenych siłaŭ Biełarusi «Na zapadnom rubiežie».
Nasamreč, Polšča davoli dobra dała rady stychii. Pavodki ŭ pieradhornych rajonach krainy zdarajucca pieryjadyčna. Hetaja stała najmacniejšaj z 1997 hoda, adnak nie vyklikała značnych razbureńniaŭ. Supraćpavodkavyja zbudavańni ŭ cełym vytrymali ŭdar, a Jeŭrasajuz dapamahaje Polščy, jak dapamahaŭ by i luboj krainie źviazu ŭ ekstremalnaj situacyi.
Adnak Maskva vykarystoŭvaje lubuju nahodu, kab nastroić jeŭrapiejskija hramadstvy suprać salidarnaści z ukrainskim narodam. I biełaruskija siłaviki rupiacca dziela taho ž.
«Užo bolš za dva hady kraina tracić vializnyja hrošy na padtrymańnie ŭkrainskaha kanfliktu, u vyniku čaho sama zastałasia z pustymi kišeniami. Hrošaj na vadaschoviščy i damby ŭ kaźnie niama, adnak jany znajšlisia na «dapamohu» USU», — pišuć u kanale zachodniaha apieratyŭnaha kamandavańnia.
Niekatoryja kanały pajšli ŭ svaich fantazijach dalej. Tak, «Biełorusskij front», jaki viaduć, imavierna, ideołahi biełaruskich siłaŭ śpiecapieracyj, spasyłajučysia na nienazvanyja «miascovyja telehram-čaty», napisaŭ, što polskija «vajskoŭcy skardziacca na niedachop techniki, jakaja była raniej pieradadziena Ukrainie», a «dziejańni polskaha ŭrada vyklikajuć usio bolšuju niezadavolenaść siarod nasielnictva».
U inšym materyjale toj ža telehram-kanał paviedamlaje ab tym, što «ES «kinuŭ» Polšču dziela Ukrainy». Čamu? Bo źbirajecca vydzielić krainie na dapamohu ŭ baraćbie z nastupstvami pavodki 5 miljardaŭ jeŭra. U toj ža čas Ukraina atrymaje 35 miljardaŭ.
Na kampaniju dezynfarmacyi Rasii na fonie navadnieńnia ŭ Jeŭropie źviarnuli ŭvahu polskija vajskoŭcy.
Uważaj na dezinformację!
W związku z występującą na terenie południowo-zachodniej Polski sytuacją powodziową, mamy do czynienia z operacją informacyjno-psychologiczną atrybuowaną do Federacji Rosyjskiej. Aparat wpływu stosuje w cyberprzestrzeni technikę selektywnego… pic.twitter.com/r8gqJWMl3B
«U suviazi ź situacyjaj z pavodkaj, jakaja adbyłasia na paŭdniovym zachadzie Polščy, my majem spravu ź infarmacyjna-psichałahičnaj apieracyjaj, jakuju prypisvajuć Rasijskaj Fiederacyi. Aparat uździejańnia vykarystoŭvaje techniku sielektyŭnaha adboru infarmacyi ŭ virtualnaj prastory i imkniecca vyklikać u jaje atrymalnikaŭ emocyi strachu i biezdapamožnaści. Adnym z elemientaŭ apieracyi źjaŭlajecca sproba padryvu davieru da orhanaŭ dziaržbiaśpieki», — papiaredzili ŭ svaim kanale ŭ Ch (Twitter) śpiecyjalnaje padraździaleńnie — «Vojski achovy kibierprastory».
Kanały biełaruskich siłavikoŭ taksama stali instrumientam rasijskaj IPSA.
«Niama nijakaj nadziei, što doždž spynicca». Centralnaja Jeŭropa pajšła pad vadu
«Ludzi rynulisia ŭ kramy pa vadu, u vyniku byŭ časovy jaje deficyt». Biełarusy raskazvajuć pra toje, jak polskija ŭłady zmahajucca z pavodkaj
Chto takaja polskaja žurnalistka Ahnieška Pivar, pierad jakoj vybačajecca kiraŭnica «Biełsata» i jakoj šle paštoŭki Łukašenka
Resursy Minabarony RB raspaŭsiudzili novy brudny fejk pra Ukrainu
U Mahilovie mužčyna adbivaŭsia ad hubazikaŭcaŭ nažom8
Kamientary