Na poŭnačy Hiermanii padletak skraŭ pasažyrski aŭtobus i prataraniŭ bolš za 20 aŭtamabilaŭ
U niadzielu 19-hadovy małady čałaviek z horada Itcecha (ziamla Šleźvih-Holdštejn) zabraŭsia ŭ pryparkavany la depo pasažyrski aŭtobus. Jon sieŭ za rul i kranuŭsia, adnak jaho pajezdka praciahvałasia niadoŭha — junak straciŭ kantrol nad kiravańniem i ŭrezaŭsia ŭ aŭtamabili, jakija stajali pobač, piša Bild.
Usiaho parušalnik paškodziŭ bolš za 20 mašyn i kančatkova zatrymaŭsia na parkoŭcy haradskoha suda. Pavodle papiaredniaj infarmacyi, nichto nie paciarpieŭ.
Sam zhonščyk raspavioŭ palicyjantam, što chacieŭ tolki pakatacca na aŭtobusie i paprasiŭ nie kvalifikavać jaho dziejańni jak sprobu skraści haradski hramadski transpart.
U minułym miesiacy anałahičny vypadak adbyŭsia ŭ Bremienie.
Tam 15-hadovy padletak pradstaviŭsia načalniku aŭtaparka stažoram z transpartnaj kampanii, a nieŭzabavie sieŭ za rul aŭtobusa i navat zabraŭ pasažyraŭ.
Nieŭzabavie paśla hetaha školnika zatrymali, adnak praź niekalki dzion jon paŭtaryŭ sprobu sieści za rul aŭtobusa ŭ Nižniaj Saksonii. Pa słovach palicejskich, takim čynam padletak chacieŭ «realizavać svoj entuzijazm u dačynieńni da transpartnych srodkaŭ»
Kamientary