Na patanułuju la Sicylii supieriachtu «brytanskaha Biła Hiejtsa» mohuć palavać suśvietnyja śpiecsłužby
Jak daviedałasia ahienctva CNN, zatanuły razam z supieriachtaj Bayesian brytanski miljarder Majkł Linč zachoŭvaŭ u siejfach karabla «vielmi adčuvalnuju sakretnuju infarmacyju», za jakuju mohuć pačać zmahacca śpiecsłužby Zachadu, Rasii i Kitaja. Pra što hetaja infarmacyja, raspaviali krynicy ahienctva.
Zarehistravanaja ŭ Vialikabrytanii supieriachta Bayesian koštam 40 miljonaŭ dalaraŭ zatanuła kala bierahoŭ Sicylii padčas urahanu 19 žniŭnia. Na jachcie ŭ liku inšych znachodzilisia jaje ŭładalnik, miljarder Majkł Linč, jakoha nazyvali «brytanskim Biłam Hiejtsam», i jahonaja 18-hadovaja dačka Channa. Cieły abodvuch byli znojdzienyja dajvierami na patanułym karabli.
U hetaj historyi, jak daviedałasia ahienctva CNN, jość adna važnaja detal. Krynicy ahienctva zajavili, što «na jachcie ŭ vodaniepranikalnych siejfach lažać dva supierzašyfravanyja žorstkija dyski, jakija zachoŭvajuć stroha sakretnuju infarmacyju, uklučajučy paroli i inšyja kanfidencyjnyja danyja, datyčnuju śpiecsłužbaŭ šerahu krain Zachadu».
Hetymi danymi mohuć istotna zacikavicca inšyja zamiežnyja śpiecsłužby, asabliva kitajskija i rasijskija, adznačyŭ na ŭmovach ananimnaści čynoŭnik adnoj z zachodnich krain.
Jak takija danyja trapili na jachtu brytanskaha miljardera Linča? Krynicy CNN tłumačać, što biznesmien byŭ daŭno źviazany źviazany z brytanskimi, amierykanskimi i inšymi raźviedvalnymi słužbami praz svaje roznyja firmy, adnoj ź jakich źjaŭlajecca zasnavanaja Linčam kampanija pa kibierbiaśpiecy Darktrace, adnaho z samych paśpiachovych raspracoŭščykaŭ sitsem antychakierskaj abarony i štučnaha intelektu ŭ śviecie. U skład savieta dyrektaraŭ kampanii, siarod inšych, uvachodziać byłyja kiraŭniki i eks-supracoŭniki niekatorych zachodnich śpiecsłužbaŭ.
Pieršapačatkova italjanskija pravaachoŭnyja orhany aścierahalisia, što złodziei mohuć pasprabavać dabracca da abłomkaŭ jachty, kab znajści darahija ŭpryhažeńni i inšyja kaštoŭnyja pradmiety, jakija ŭsio jašče znachodziacca na borcie. Adnak ciapier palicyjanty zaniepakojenyja tym, što da abłomkaŭ pasprabujuć dabracca supracoŭniki niezachodnich vyviedak, tamu surjozna ŭzmacnili achovu patanułaj jachty jak nad, tak i pad vadoj.
Izrailski biznesmien staŭ iranskim špijonam dziela darahoj va ŭtrymańni biełaruski. Chto hetaja fatalnaja łedzi?
Dla kampanii, jakaja robić reaktary dla brytanskich atamnych padvodnych łodak, karparatyŭnuju sietku zrabili biełarusy i rasijanie
Aryštavany adzin z samych viadomych kibierzłačyncaŭ u śviecie, im akazaŭsia biełarus. Što viadoma pra Maksima Silnikava?
Kamientary
Nu i dalej atrymaŭsia plan pieramohi i pavyšeńnie hiektaraŭ nadojaŭ alimpijskich medaloŭ.
Dziakavać Bohu, nia ŭ Sienie, ale ŭ čystaj vadzie patanuli