Śbierbank: Rasijanie praz telefonnych machlaroŭ pieraviali USU bolš za miljard dalaraŭ
Takimi danymi padzialiŭsia namieśnik staršyni praŭleńnia rasijskaha banka Stanisłaŭ Kuźniacoŭ.
Z pačatku hoda telefonnyja ašukancy vymanili ŭ rasijan 250 miljardaŭ rasijskich rubloŭ — heta 2,8 miljarda dalaraŭ. Takija dadzienyja maje rasijski Śbierbank.
Da kanca hoda, ličyć Kuźniacoŭ, hetaja suma moža dasiahnuć 300 miljardaŭ rubloŭ, to bok 3,3 miljarda dalaraŭ.
Top-mieniedžar u efiry rasijskaha TB pryvioŭ svaje źviestki pra toje, jak raźmiarkoŭvajucca hetyja hrošy. Na jaho dumku, bolšaść srodkaŭ idzie va Ukrainu.
«Pieravažnaja bolšaść hetych hrošaj idzie ŭ tyja samyja koł-centry. Kala 20% hetych srodkaŭ idzie na zarabotnuju płatu tym, chto telefanuje, jašče kala 20% — heta čysty prybytak ułaśnika, haspadara koł-centra. Jašče 15-20% idzie na tak zvanuju «krynu», miascovaj palicyi, roznym bandytam, jakija ich achoŭvajuć. Nie mienš za 40% idzie na finansavańnie USU », — ličyć Kuźniacoŭ.
Kali vieryć top-mieniedžaru Śbierbanka, rasijanie mahli pieravieści ŭkrainskaj armii 1,1 miljarda dalaraŭ.
Na čyje danyja abapirajecca Kuźniacoŭ u svaim analizie, jon nie paviedamiŭ.
Ukrainskija machlary raźviali z-kanał «Dva majory» na ryštunak dla USU
«Daskanałyja i spłanavanyja ašukanskija dziejańni». Łarysa Dolina raskazała, jak stała achviaraj machlaroŭ
Machlary raźviali rasijskuju śpiavačku Łarysu Dolinu. Jana pieraviała im miljon dalaraŭ
Machlary mižnarodnaha koł-centra padmanuli ludziej na miljon jeŭra. Zatrymańni pravodzilisia ŭ Małdovie, Rumynii i Ukrainie
Kamientary