Siłaviki zatrymali žychara Minska za zakliki da pratestu ŭ čatach, videa ź im apublikavaŭ adzin z praŭładnym kanałaŭ. «Miedyjazona» znajšła staronku zatrymanaha ŭ sacsietkach, tam jon padpisany jak Ihar Drabyšeŭski.
Na videa, zapisanym siłavikami, mužčyna havoryć, što ŭ 2020 hodzie «znachodziŭsia ŭ destruktyŭnych čatach» i ŭ adnym ź ich «zaklikaŭ ludziej zhurtavacca, kaardynavacca», a taksama nibyta «zaklikaŭ psavać dziaržaŭnuju majomaść».
Taksama ŭ videa pakazvajucca skrynšoty paviedamleńniaŭ, u jakich karystalnik prapanuje stvarać «fejkavyja dvarovyja čaty», a taksama piša, što «važna vychodzić kropkava i ładzić dyviersii». Chto pisaŭ hetyja paviedamleńni — nieviadoma.
Pa jakich mienavita artykułach zatrymany Ihar Drabyšeŭski i dzie jon ciapier — nieviadoma.
Kamientary