Chto vinavaty, kali matacyklistu nie sastupajuć darohu i heta pryvodzić da śmiarotnaj avaryi? Voś što pakazvaje praktyka
Avaryju ŭ Mahilovie, u jakoj zahinuŭ 27-hadovy daišnik Mikita Isačkoŭ, aktyŭna abmiarkoŭvajuć u internecie. Situacyi, kali matacyklisty sutykajucca z transpartam, jaki pavaročvaje naleva — źjava davoli raspaŭsiudžanaja. Niaredka padobnyja DTZ pryvodziać da śmiarotnaha vyniku. Pahladzieli, kaho pryznavali vinavatym u takich avaryjach.
Nie ŭsio tak adnaznačna
Nahadajem, rezanansnaje DTZ adbyłosia ŭ Mahilovie 7 vieraśnia 2024 hoda. Mikraaŭtobus Ford Transit pavaročvaŭ naleva i nie prapuściŭ sustrečny matacykł Yamaha, jakim kiravaŭ 27-hadovy inśpiektar DAI Mikita Isačkoŭ. Małady čałaviek pamior na miescy avaryi.
U Biełarusi było niamała avaryj, kali niemahčyma adrazu vyznačyć, što pasłužyła trahiedyi: niapropusk matacykła mašynaj, jakaja ažyćciaŭlaje manioŭr, abo pieravyšeńnie chutkaści matacyklistam.
Kožny raz śledčym nieabchodna vyśviatlać: ci mieŭ kiroŭca aŭtamabila, jaki pavaročvaŭ naleva, mahčymaść svoječasova ŭbačyć sustrečny matacykł i praduchilić DTZ?
Dva milicyjanty i matacyklist
Rezanansnaje DTZ z udziełam matacykła i supracoŭnikaŭ MUS na praśpiekcie Niezaležnaści ŭ Minsku adbyłosia ŭ 2012 hodzie. Tady bajkier urezaŭsia ŭ aŭtamabil patrulnaj słužby, jaki pry adklučanych śviatłaforach pavaročvaŭ naleva z vulicy Makajonka.
Bajkier zahinuŭ na miescy, supracoŭniki MUS taksama atrymali traŭmy.
Ekśpiertyza tady vyznačyła, što chutkaść matacykła pry sutyknieńni składała 144,8 km/h. Jon i byŭ pryznany vinavatym.
Matacyklist i aŭtobus
U mai 2020 hoda ŭ pryharadzie Babrujska sutyknulisia matacykł i haradski aŭtobus, jaki pavaročvaŭ naleva. 21-letni matacyklist na Honda VFR800 zahinuŭ.
Adrazu paśla avaryi paŭstała niamała sprečak ab vinie ŭdzielnikaŭ sutyknieńnia.
Transpartnaja inśpiekcyja stała na bok zahinułaha matacyklista. Da taho ž pravierka pakazała, što kiroŭca MAZa nie vykonvaŭ režym pracy i adpačynku.
«Heta, u svaju čarhu, mahło paŭpłyvać na źnižeńnie kancentracyi ŭvahi kiroŭcy aŭtobusa», — paličyli ŭ Transpartnaj inśpiekcyi.
Adnak kančatkovaje rašeńnie było inšym: kiroŭcu aŭtobusa pryznali nievinavatym u śmiarotnym DTZ.
Pa vynikach rasśledavańnia było vyznačana, što pryčynaj DTZ stała toje, što matacyklist pieravysiŭ chutkaść i dapuściŭ sutyknieńnie z aŭtobusam. U suviazi sa śmierciu maładoha čałavieka kryminalnaja sprava była spyniena.
Matacykł suprać fury
Jašče adno padobnaje DTZ adbyłosia 24 vieraśnia 2023 hoda ŭ Baranavičach. U vyniku sutyknieńnia zahinuli dva čałavieki z matacykła: kiroŭca i pasažyr.
I tut taksama sud pryznaŭ vinavatym zahinułaha matacyklista, a nie kiroŭcu fury, jaki pry pavarocie naleva nie prapuściŭ jaho.
Padčas śledstva było vyznačana, što matacyklist značna pieravysiŭ maksimalna dazvolenuju chutkaść (60 km/h) i razahnaŭsia bolš čym da 100 km/h.
U sudzie paličyli, što matacyklist moh i pavinien byŭ pradbačyć mahčymyja niebiaśpiečnyja nastupstvy svaich dziejańniaŭ i što ŭ jaho była mahčymaść zaŭvažyć ciahač, jaki zajechaŭ na jaho pałasu ruchu, i svoječasova zatarmazić.
Nie tolki matacykły, ale i skutary
Jašče adzin trahičny, ale davoli cikavy ź jurydyčnaha punktu hledžańnia vypadak — DTZ u Hrodnie z udziełam skutarysta i lehkavika Mercedes.
Letam 2016 hoda kiroŭca Mercedes pry pavarocie naleva nie sastupiła darohu skutarystu na Aprilia. Mužčyna ŭrezaŭsia ŭ Mercedes i ad atrymanych traŭm pamior na miescy.
Kryminalnuju spravu pa fakcie śmierci 32-hadovaha matacyklista ŭ Hrodnie rasśledavali amal dva hady i ŭrešcie vyrašyli zakryć praz adsutnaść składu złačynstva.
Takija vyniki nie zadavolili svajakoŭ zahinułaha. Paśla zvarotu ŭ Hienieralnuju prakuraturu spravu adnavili. Urešcie dziaŭčyna-kiroŭca Mercedes atrymała dva z pałovaj hady kałonii-pasialeńnia. Aproč hetaha, jana pavinna była zapłacić kampiensacyju paciarpiełym u pamiery 45 tysiač rubloŭ.
Varta adznačyć, što ŭ adroźnieńni ad vyšejapisanych DTZ z udziełam matacyklistaŭ, jakija vielmi mocna pieravysili chutkaść, u hetym vypadku ŭ avaryju trapiŭ nie matacykł, a skutar. Taki transpart praz svaje techničnyja charaktarystyki nie moža razhaniacca hetak ža chutka, jak spartyŭnyja matacykły.
Vyžyŭ, ale astaŭsia biez nahi
Zusim śviežy prykład taho, kali matacyklista pryznali vinavatym, taksama adbyŭsia ŭ Hrodnie. 16 červienia 2024 hoda ŭ abłasnym centry sutyknulisia aŭtamabil BMW i matacykł Honda.
U vyniku DTZ matacyklist byŭ špitalizavany, jamu amputavali nahu.
Hety vypadak adroźnivajecca ad papiarednich nie tolki tym, što matacyklist vyžyŭ. Tut kiroŭca aŭto nie pavaročvaŭ naleva. Transpartnyja srodki ruchalisia ŭ adnym kirunku. Kiroŭca BMW pry pierastrajeńni ŭ pravuju pałasu ruchu sutyknuŭsia z matacykłam Honda, jaki ruchaŭsia ŭ spadarožnym kirunku.
Było vyznačana, što BMW ruchaŭsia z chutkaściu 128 km/h. Ale matacykł na momant sutyknieńnia ŭvohule lacieŭ z chutkaściu 177 km/h! Vinavatym u DTZ pryznali kiroŭcu matacykła.
Kaho mohuć pryznać vinavatym ŭ hibieli daišnika?
Apisanyja vyšej vypadki pakazvajuć, što daloka nie zaŭždy vinavatym pryznajuć kiroŭcu transpartnaha srodku, u jaki ŭrazajecca matacykł.
Momant sutyknieńnia patrapiŭ na videa. Na im bačna, što matacykł ruchaŭsia na davoli vysokaj chutkaści. Kamientatary ŭ internecie vykazvajuć mierkavańnie, što jana dasiahała 80-100 km/h. Ale ŭ lubym vypadku dakładnuju ličbu musić vyznačyć ekśpiertyza.
Ale ŭ vypadku sa zdareńniem u Mahilovie nie ŭsio tak prosta i nie tolki tamu, što zahinuły matacyklist byŭ inśpiektaram DAI. Pa-pieršaje — kiroŭca Ford źjechaŭ ź miesca zdareńnia. Pa-druhoje, u SK paviedamlajuć, što na momant zatrymańnia 44-hadovy mužčyna byŭ pjany.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary
I pahladzim na vyniki:
kamientatary ŭ internecie badziora pišuć "matacyklist lacieŭ", "debił", "dalotaŭsia", navat chutkaść vyznačajuć, aha.. Ale takoha nie pišuć, kali nie sastupili darohu aŭtamabilu.
2) Razumieju, što całkam zdymać vinu z parušalnikaŭ chutkaści my nie majem prava, bo a) heta taksama pryčyna DTZ, b) pa časie heta spravakuje na biezadkaznaść amataraŭ pa-varjacku pieravyšać. Nam varta ŭmianić staŭleńnie da matacyklistaš i ravarystaŭ, pryŭnać ich poŭnavartasnymi roŭnacennymi ŭdzielnikami darožnaha ruchu.