Kałoniju ŭ rasijskim Vałhahradzie šturmavali. Usie zachopniki byli zabityja
Papraŭčuju kałoniju strohaha režymu №19 u Vałhahradzie (Rasija) zachapili dniom 23 žniŭnia. Zdaryłasia heta padčas pasiedžańnia dyscyplinarnaj kamisii.
Zachopniki śćviardžali, što źviazanyja ź IDIŁ i pomściać za zatrymanych za terakt u «Krokus Sici chole». Adzin ź ich byŭ u kamizelcy śmiarotnika.
Usie zakładniki byli vyzvalenyja padčas šturmu ŭ PK-19. Šturm ciahnuŭsia paŭhadziny. Usie zachopniki byli zabityja, paviedamlaje TASS.
U zachopie zakładnikaŭ, piša TASS, mahli ŭdzielničać hramadzianie Uźbiekistana Ramzindzin Tošaŭ i Ciemur Chusinaŭ i ŭradžency Tadžykistana Nazirčon Tošaŭ i Rustamčon Naŭruzi. Troje asudžanyja pa narkatyčnym artykule. Ciemur — za naŭmysnaje pryčynieńnie ciažkaj škody zdaroŭju, jakoje paciahnuła śmierć.
Čatyry supracoŭniki Fiederalnaj słužby vykanańnia pakarańniaŭ zahinuli — troje ŭ kałonii, adzin u balnicy. Usiaho 8 supracoŭnikaŭ kałonii byli zachopleny ŭ zakładniki.
Siarod paciarpiełych byŭ načalnik kałonii Andrej Dziaviataŭ.
Heta ŭžo druhi ŭ hetym hodzie padobny incydent u Rasii. U červieni źniavolenyja isłamisty zachapili zakładnikaŭ u kałonii ŭ Rastovie. Na likvidacyju napadnikaŭ tady adpravili śpiecnaz.
U ZŠA idzie padlik hałasoŭ. Tramp pakul lidziruje z vynikam 178 na 99
Kamientary