Inšaziemiec chacieŭ abduryć biełarusku, zavabiŭšy ščodrym padarunkam. Ale niešta pajšło nie tak
Z žycharkaj Słucka ŭ tyktoku źviazaŭsia mužčyna, a praź niekatory čas jana ledź nie straciła hrošy. Žančyna raskazała svaju historyju vydańniu SlutskGorod.
Aleks, jaki pradstaviŭsia amierykancam sa Šviejcaryi, napisaŭ biełaruscy ŭ tyktoku, pabačyŭšy jaje fota. Paśla jany praciahnuli kamunikacyju ŭ WhatsApp, i heta zaniało niamała času. Pry hetym mužčyna paźbiahaŭ hałasavych paviedamleńniaŭ i prasiŭ jamu pisać, bo, maŭlaŭ, ciapier zaniaty i adkaža paźniej. Dla pierapiski jon vykarystoŭvaŭ aŭtamatyčny pierakładčyk.
Jak zvyčajna viadziecca ŭ takich vypadkach, inšaziemiec sprabavaŭ uvajści ŭ davier da žančyny. Jon raskazvaŭ, što straciŭ žonku, adzin vychoŭvaje dvuch dziaciej i chacieŭ by znajści spadarožnicu dla žyćcia. Prysyłaŭ navat fatahrafii ź dziećmi, a taksama videa z kramaŭ, u jakich nibyta vybiraje biełaruscy padarunki.
Urešcie adnojčy mužčyna paviedamiŭ, što nibyta adpraviŭ žančynie ščodry padarunak. Skrynku z kvietkami i kaštoŭnaściami, a taksama najaŭnymi hrašyma na sumu 35 tysiač dalaraŭ słuččanka pavinna była zabrać u aeraporcie «Minsk», ale nie prosta tak, a zapłaciŭšy 2 tysiačy rubloŭ. Bo, maŭlaŭ, zachodnija transpartnyja kampanii ciapier nie pracujuć ź Biełaruśsiu, i ŭvohule nadta ž składanaja schiema dastaŭki.
Na ščaście, takich hrošaj u biełaruski nie było, i heta ŭratavała jaje ad ich straty. Nie natchnili jaje i prapanavy pazyčyć hrošy ci ŭziać kredyt, bo, maŭlaŭ, z hrošaj u skryncy žančyna paśla biez prablem viernie pazyku.
Paśla rozdumaŭ biełaruska vyrašyła ŭsio ž patelefanavać u aeraport, dzie joj adkazali, što heta machlarstva, a padobnych schiem pa pieradačy pasyłak ŭvohule niama ŭ pryrodzie i nie moža być.
Kali žančyna skazała pra heta «ščodramu» inšaziemcu, toj usio adno praciahvaŭ joj pisać, prapanujučy pieravieści «choć kolki», kab usio ž taki «zabrać pasyłku». Heta padšturchnuła biełarusku apubličyć historyju, kab papiaredzić inšych.
«Nie znajomciesia ŭ tyktoku i nie pieravodźcie nikomu hrošy!», — napisała jana.
Piensijanier adpraviŭ 18 tysiač rubloŭ dziaŭčynie, a heta akazaŭsia chłopiec
Hamialčanka pad pahrozaj abvinavačvańniaŭ u «ekstremiźmie» addała ašukancam 124 tysiačy rubloŭ
Machlary prydumali novy sposab kradziažu akaŭntaŭ u Telegram
Minčanka pajechała na adpačynak i dała klučy ad kvatery svajoj znajomaj. Usio skončyłasia kryminalnaj spravaj
Žychar Homiela tak pavieryŭ machlaram, što nie tolki straciŭ svaju kvateru, hrošy ad jaje, ale i sam pierajechaŭ u zdymnaje žytło
Minskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»2
Kamientary