Uźbiek atrymaŭ piać hadoŭ za ŭdzieł u vajnie na baku Rasii. Na froncie jon pravioŭ litaralna niekalki chvilin
Sud u Fierhanskaj vobłaści Uźbiekistana prysudziŭ piać hadoŭ pazbaŭleńnia voli 51-hadovamu miascovamu žycharu Ališeru Chalikavu za najomnictva ŭ składzie rasijskaj armii.
Chalikaŭ padpisaŭ adnahadovy kantrakt z rasijskim ministerstvam abarony, ale prasłužyŭ niekalki miesiacaŭ, patrapiŭšy ŭ špital užo ŭ pieršyja chviliny realnych bajavych dziejańniaŭ, paviedamlaje Rasijskaja słužba Radyjo Svaboda.
Chalikaŭ pryjechaŭ u Sankt-Pieciarburh u pošukach pracy. U listapadzie minułaha hoda jon źbiŭ pracadaŭcu, jaki nie płaciŭ jamu. U vyniku jaho zatrymała palicyja. Prosta ŭ pastarunku, pad pahrozaj kryminalnaha pieraśledu, jon padpisaŭ kantrakt ź Ministerstvam abarony.
Praz dva miesiacy navučańnia ŭźbiekistaniec byŭ nakiravany ŭ zonu bajavych dziejańniaŭ. 4 lutaha jon pierajšoŭ miažu Ukrainy. Kałona była atakovana bieśpiłotnikam, Chalikaŭ byŭ ciažka paranieny i špitalizavany ŭ Maskvu. Paśla vypiski z špitala jaho adpravili ŭ zapas. Jamu prapanavali rasijskaje hramadzianstva, ale jon ad jaho admoviŭsia i viarnuŭsia dadomu. Za padpisańnie kantraktu i ranieńnie jon atrymaŭ 800 tysiač rubloŭ (kala $8000).
Chalikavu pryznaŭsia ŭ vinie i raskajaŭsia, paviedamlajuć u materyjałach spravy. Pa abvinavačvańni jamu pahražała da 12 hadoŭ pazbaŭleńnia voli.
Ułady krain Centralnaj Azii nieadnarazova papiaredžvali hramadzian pra adkaznaść za ŭdzieł u vajnie va Ukrainie. U kastryčniku sud u Samarkandskaj vobłaści prysudziŭ 56-hadovaha miascovaha žychara da troch hadoŭ kałonii. U vieraśni sud u Taškiencie prysudziŭ da abmiežavańnia voli najomnika ČVK «Vahnier», jaki nie paśpieŭ uziać udzieł u vajnie, ale paśpieŭ udzielničać u mieciažy PVK i maršy na Maskvu.
Kamientary