Tynkoŭščyku ź Minskaha rajona dali try hady kałonii za admaŭleńnie hienacydu biełaruskaha naroda
Taksama Andreja Savickaha abvinavacili ŭ abrazie Łukašenki.
Sprava ab admaŭleńni hienacydu biełaruskaha naroda razhladałasia ŭpieršyniu, praces prachodziŭ u Minskim haradskim sudzie.
55-hadovaha žychara Minskaha rajona, Andreja Savickaha zatrymali ŭ lutym. Jaho abvinavacili ŭ tym, što jon stvaryŭ hrupu ŭ «Adnakłaśnikach», u jakoj nibyta pisaŭ abraźlivyja teksty na adras Łukašenki «vyklučna ŭ suviazi z zajmanaj im pasadaj i vykananymi słužbovymi abaviazkami».
Akramia taho, jak skazana ŭ materyjałach spravy, «22 sakavika, u hadavinu trahiedyi ŭ vioscy Chatyń, Savicki ŭ sprobach falsifikacyi padziej, vynikaŭ Druhoj suśvietnaj vajny i apraŭdańnia złačynstvaŭ nacysckich złačyncaŭ i ich pamahatych, nacyjanalistyčnych farmiravańniaŭ u hady Vialikaj Ajčynnaj vajny naŭmysna skaziŭ abstaviny masavaha źniščeńnia 22 sakavika 1943 hoda žycharoŭ Chatyni».
«22 sakavika — trahiedyja ŭ Chatyni. A naohuł, ci praŭda heta ci nas chočuć pierakanać, što heta sprava ruk niemcaŭ…», — cytuje tolki častku taho pasta «SB».
Sud, jak śćviardžajecca, daśledavaŭ prysud Mižnarodnaha vajennaha trybunała, knihu «Chatyń. Trahiedyja i pamiać», inšyja dakumienty i pryjšoŭ da vysnovy, što Savicki naŭmysna admaŭlaŭ hienacyd.
Mužčynu prysudzili da troch hadoŭ pazbaŭleńnia voli z adbyvańniem pakarańnia ŭ kałonii va ŭmovach ahulnaha režymu.
Va Ukrainie zahinuŭ biełaruski dobraachvotnik Haz10
Kamientary