Pieršaja pradstaŭnica Biełarusi na dziciačym «Jeŭrabačańni» Volha Saciuk stała mamaj
Pra radasnuju padzieju śpiavačka Volha Saciuk raskazała ŭ instahramie.
Volha naradziła syna.
Tata dziciaci — śpiavak Pjer Edel, jaki znakamity tym, što davoli paśpiachova ŭdzielničaŭ u šou «Hołas» u čatyroch roznych krainach (Francyi, Bielhii, Rasii i Ukrainie).
Naradziŭsia jon u Francyi ŭ siamji francuza i rasijanki (dziakujučy mamie śpiavak dobra viedaje ruskuju movu). Ale baćki raźvialisia, kali chłopčyk byŭ jašče maleńkim. Bolšuju častku svajho žyćcia jon žyŭ razam z tatam u Francyi, paśla škoły pajechaŭ vučycca ŭ Łondan.
Raniej ŚMI pisali, što ŭ 2010 hodzie Pjer Edel pierajechaŭ žyć u Rasiju, ale praź niekatory čas usio ž viarnuŭsia ŭ Francyju.
Ciapier Pjer žyvie ŭ Paryžy, ale jakraz ciapier u jaho idzie hastrolny tur pa Rasii. Sioleta jon vystupaŭ u Hrodnie, Viciebsku, Homieli, Mahilovie i Breście, a taksama śpiavaŭ u Minsku na stadyjonie «Dynama».
Volha Saciuk stała pieršaj udzielnicaj ad Biełarusi na dziciačym «Jeŭrabačańni» — adbyłosia heta ŭ 2003 hodzie. Dzieviacihadovaja dziaŭčynka z Kobryna śpieła pieśniu «Tančy» i zaniała 4-je miesca.
Kamientary