U Šumilinskim rajonie padčas raskopak znajšli pajasnuju nakładku časoŭ vikinhaŭ
Ekśpiedycyja Instytuta historyi Nacyjanalnaj akademii navuk pracavała ŭ ahraharadku Kardon Šumilinskaha rajona, dzie i była vyjaŭlenaja znachodka, paviedamiŭ kiraŭnik ekśpiedycyi, kandydat histaryčnych navuk Marat Klimaŭ, piša sb.by.
Pa słovach archieołaha, u vyniku raskopak vyjavili ślady niekalkich pabudoŭ i piečaŭ, a pobač z adnym z byłych budynkaŭ znajšli ŭnikalnuju pajasnuju nakładku, jakaja naležyć kołu skandynaŭskich staražytnaściaŭ i vykananaja ŭ źviarynym styli:
— Sapraŭdy takich ža nakładak biełaruskija archieołahi nie znachodzili, ale pa styli vykanańnia jana blizkaja da toj, jakuju my vyjavili padčas raskopak u Vierchnim zamku Połacka ŭ 2022 hodzie.
Haradzišča Kardon — adno z najbujniejšych pasieliščaŭ epochi vikinhaŭ u Biełarusi. Jaho roskvit źviazany z aktyŭnym vykarystańniem u IX — pačatku XI st. «šlachu z varahaŭ u hreki». Hety archieałahičny kompleks navukoŭcy vyvučali raniej. Ciapierašniaja ekśpiedycyja adnaviła daśledavańni, zavieršanyja ŭ 2018 hodzie. Metaj daśledavańniaŭ byŭ pošuk žyłych damoŭ, vytvorčych kompleksaŭ i paćvierdžańniaŭ taho, što pobač z pasieliščam znachodziłasia «buchta drakaraŭ» vikinhaŭ, ale pramych dokazaŭ nie vyjavili, adznačyŭ Marat Klimaŭ.
Na poŭnačy Biełarusi znajšli draŭlany koŭš uzrostu piramidy Chieopsa
Archieołahi kažuć, što znajšli samyja staražytnyja mohiłki kamiennaha vieku ŭ Biełarusi
U nacparku «Prypiacki» znajšli dvanaccać dahetul nieviadomych kurhanoŭ
Na Miency raskapali ŭžo try rady hakavych draŭlanych kanstrukcyj FOTA
Archieołahi raskazali, ci ŭdałosia adšukać na dnie Biareziny skarb Napaleona
Siłaviki zatrymali pryzyŭnika za praźmierna vialikaje žadańnie słužyć va ŭnutranych vojskach4
Kamientary